1Atha 18:45 - ÎVUKU RÎA ÛVORO MWARO

⁴⁵ Vuva wa kavinda kanini îgûrû nîrîathimbire nîûndû wa matu mairû na rûkûngi, na mbura nene nîyaurire. Nake Ahabu nîwatwîre gîkaarirî gîake na akîthiî Jezireeli.

1Atha 18:45 ပူးပေါင်းရင်းမြစ်များ

2Sam 2:9

Nao marî kûu, Abineri nîwatuire Ishiboshethu mûthamaki wa mavûrûri ma Gileadi, Aashuri, Jezireeli, Efiraimu, Benjamini na Isiraeli kuonthe.

2Sam 21:14

Andû a Daudi nîmaathikire mavîndî ma Saûlo na Jonathani mbîrîrarî ya Kishu, îthe wa Saûlo îrîa yarî Zela vûrûrirî wa Benjamini, na magîka ûrîa wonthe mûthamaki amaathîte. Vuva wa ûguo, Ngai nîwacokirie mavoya marîa maavoete nîûndû wa vûrûri wao.

1Atha 21:1

Nabothi ûrîa Mûjezireeli aarî na mûgûnda wa mîthavibu kûu Jezireeli vakuvî na mûciî wa Ahabu, mûthamaki wa Samaria.

1Atha 21:23

Naguo ûvoro wîgiî Jezebeli, Ngai-Mûnene arauga atî ngui nîikaarîîra mwîrî wake îtûûrarî rîa Jezireeli.

2Atha 9:16

Jehu nîwacokire agîtwa gîkaari gîake na akîthiî Jezireeli kûrîa Joramu aanogokete, nake Ahazia mûthamaki wa Juda nîwathiîte kuo kûmûcerera.

Ayubu 37:13

Ngai ekaga wendi wake gûkû nthî, ûrî wa kûverithia andû, kana wa kwonania wendo wake.

Ndari 25:8

na akîrûmîrîria mûndûmûrûme ûcio kûu îgemarî. Nîwamûmundire na îtumû, rîgîtûrîkania na rîkîmunda îvu rîa mûndûmûka ûcio. Na njîra îo, mûthiro ûrîa wacûkangagia Isiraeli nîwathirire.

Jakuvu 5:18

Elija nîwacokire akîvoya rîngî na mbura îkiura kuuma îgûrû, na nthî îkîgîa na maketha.

Josh 17:16

Nacio njiarwa cia Josefu nîciacokerie Joshua atîrî, “Vûrûri ûrîa ûrî irîma tî mûnene wa gûtwîgana. Nwatî vûrûri ûrîa mwaraganu wa Bethi Sheani na matûûra marîa maûthiûrûrûkîrîtie na Kîamnda Kîam Jezireeli gûtûûraga Akanaani. Andû acio marî na ikaari cia mbarathi cia cuuma.”

Josh 19:18

Vûrûri wao wanyitîte matûûra ma Jezireeli, Kesulothu, Shunemu,

Atir 6:33

Amidiani onthe; Amaleki na andû arîa maatûûraga mwena wa îrathîro nîmaacokire makîûngana vamwe. Nîmaaringire Jorodani na makîamba magema Kîamndarî Kîam Jezireeli.