1Atha 18:44 - ÎVUKU RÎA ÛVORO MWARO

⁴⁴ Riitarî rîa mûgwanja, ndungata îo nîyacokire na îkiuga atîrî, “Nînona gatu kanini kegana ta njara ya mûndû gakiumîra îriarî.” Elija nîwerire ndungata yake îthiî kûrî Mûthamaki Ahabu îkamwîre arûthe gîkaari gîake na acoke mûciî mbere ya mbura îmûvingîrîria.

1Atha 18:44 ပူးပေါင်းရင်းမြစ်များ

1Atha 18:43

Nîwacokire akîra ndungata yake atîrî, “Rîu thiî na ûrorie mwena wa îriarî.” Ndungata nîyathiîre, îkîroria na îgîcoka. Nîyamwîrire atîrî, “Ndirona kîndû.” Nake Elija nîwamwîrire maita mûgwanja “Thiî ûkarorie.”

Ayubu 8:7

Wana ethîrwa wambîrîrie ûtûûro ûtarî na kîndû, vuvarî ûkethîrwa ûrî na indo nyîngî.

Mika 1:13

Mue mûtûûraga Lakishi, overerani ikaari cia mbaara mbarathirî. Nîmwekire mevia ta marîa mekirwe nî andû a Jerusalemu, na mûgîtûma andû a Isiraeli mevie.

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Luka 12:54

Jesû nîwacokire akîva kîrîndî ngerekano îno: “Mûngîona matu mairû mambîrîria kuumîra mwena wa îthûîro, mugaga wa rîmwe atî nî gûkura na gûkaura.

1Sam 6:10

Nao andû acio nîmeekire wa ûguo meerirwe: nîmaanyitire ng'ombe igîrî ciakamagwa, magîcioverera gîkaarirî na makîvingîra tûcaû twacio rwagarî.

1Sam 6:7

Kwoguo rîu thondekani gîkaari gîcerû Kîam ng'ombe na mwoce ng'ombe igîrî cia gûkamwa ino itarî cianovererwa gîkaarirî rîngî; mwoverere ng'ombe icio gîkaarirî kîu na mwoce tûcaû twacio mûtûvire mûciî na mûtûvingîre rwagarî.