1Atha 18:37 - ÎVUKU RÎA ÛVORO MWARO

³⁷ Nthikîrîria we Ngai-Mûnene, nthikîrîria, nîguo andû aya mamenye, atî we Ngai-Mûnene nîwe Ngai na, atî nîwe ûragarûra ngoro ciao magûcokerere.”

1Atha 18:37 ပူးပေါင်းရင်းမြစ်များ

Kîam 32:24

nwatî ke aatigirwe arî wenga. Mûndû ûmwe nîwaûkire na akîgiana nake nginya gûgîkîa.

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

2Sam 7:26

Rîîtwa rîaku nî rîtûûra rînenevetue, na andû matûûre maugaga atî, ‘Ngai-Mûnene mwene vinya wonthe nîke Ngai wa Isiraeli.’ Nî ûkaamenyerera ûthamaki wakwa tene na tene.

1Atha 18:24

Arathi a Baali nîmacoke mete rîîtwa rîa ngai wao, nanie nîngwîta rîîtwa rîa Ngai-Mûnene. Ngai ûrîa ûgûcokia na njîra ya kûrete mwaki, ûcio nîke Ngai wa ma.” Nao andû onthe nîmeetîkirie atî ûndû ûcio nî mwaro.

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

Thaburi 109:27

Tiga andû mamenye atî nîwe wîkîte ûguo; we Ngai-Mûnene, nîwe wîkîte ûguo.

Luka 11:8

Nie nîramwîra nama atî wana angîthîrwa mûrata ûcio ndangîûkîra na amûnengere mîgate îo nîûndû atî ke nî mûrata wake, nwatî ke nwa aûkîre na akamûva kîndû kîrîa kîonthe avatarîte nîûndû wa gûtinda akîmûvoya.”

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.