1Atha 18:28 - ÎVUKU RÎA ÛVORO MWARO

²⁸ Kwoguo arathi acio nîmaaugîrîrie na mîgambo mînene mûno na magîîtemanga na mviû na matumû kûringana na mûtugo wao, nginya makiura nthakame mûno.

1Atha 18:28 ပူးပေါင်းရင်းမြစ်များ

1Atha 18:27

Rîrîa thaa thita cia mûthenya ciakinyire, Elija nîwambîrîre kûmathekerera akîmeeraga atîrî, “Voyani mugîrîrîtie mûno, nîûndû ke nî ngai! Nwaethîrwe arî na maûndû areciria, kana arî na kaûndû areka, kana nîmûthiîu rûgendo! Kana nwa ethîrwe amamîte, na nwanginya mûmûramûkie!”

Isaia 44:17

Nîacaga ngai yake ya mûvuanano na gîcunjî kîu kîngî Kîam mûtî ûcio, na agaûturîria maru akaûgooca. Aûvoyaga akiugaga atîrî, “Mvonokia, nîûndû we nîwe ngai yakwa!”

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Alawi 19:28

kana mwîtemange mîîrî yenyu mûgîcakaîra mûndû arî mûkuû. Nie nînie Ngai-Mûnene.

Mika 6:7

Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?

Zakaria 13:6

Na mûndû angîkaamûria, ‘Ironda ino irî mûrukuthu nî cia ndûî?’ Akaamûcokeria ‘Ironda ino nagurarîre kwa mûrata wakwa.’ ”

Maariko 5:5

Aatûûraga aûrûraga kûu mbîrîrarî na tûrîmarî ûtukû na mûthenya na akaugagîrîria agîîtemangaga na mathiga.

Maariko 9:22

Mavinda meengî ngoma îo nîyageragia gûkaûraga na njîra ya gûgaikia mwakirî, na manjîrî. Nwatî angîthîrwa nwa ûvote, twîguîre ntha na ûtûtethie.”

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.