1Atha 18:27 - ÎVUKU RÎA ÛVORO MWARO

²⁷ Rîrîa thaa thita cia mûthenya ciakinyire, Elija nîwambîrîre kûmathekerera akîmeeraga atîrî, “Voyani mugîrîrîtie mûno, nîûndû ke nî ngai! Nwaethîrwe arî na maûndû areciria, kana arî na kaûndû areka, kana nîmûthiîu rûgendo! Kana nwa ethîrwe amamîte, na nwanginya mûmûramûkie!”

1Atha 18:27 ပူးပေါင်းရင်းမြစ်များ

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

1Atha 18:28

Kwoguo arathi acio nîmaaugîrîrie na mîgambo mînene mûno na magîîtemanga na mviû na matumû kûringana na mûtugo wao, nginya makiura nthakame mûno.

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

2Maû 25:8

Nwatî ûngîthiî nao ûgîciragia atî ûkaavootana, ndûkaavootana. Ngai nîke wî na ûvoti wa gûtûma ûvootana kana ûvootwe, ke nîagaakûrekereria ûvootwe nî nthû ciaku.”

Thaburi 121:4

Mûmenyereri wa Isiraeli, ndagocagîrîra kana amama.

Thaburi 39:3

na ngîgîa na gwîtanga ngororî yakwa. Wa ûrîa nathiîcaga na mbere gwîciiria, nwaguo naatangîkaga; nînacokire ngiuga atîrî,

Thaburi 44:23

Ûkîra, we Mwathani! Ûmamîte nîkî? Ûkîra! Ndûgatûtiganîrie tene na tene!

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Isaia 41:23

Twîreni maûndû marîa magaaûka vuvarî, nîguo tûmenye atî mwî ngai! Îkani ûndû mwaro kana ûndû mûcûku, nîguo tûmake na twîtigîre!

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Mathaayo 26:45

Ke nîwacokire rîngî varîa arutwa maarî, na akîmeera atîrî, “Anga nginya rîu mûrî toro mûvurûkîte? Ta roriani! Îvinda nîrîakinya na Mûrû wa Mûndû nîakûnenganîrwa kûrî evia.

Maariko 14:41

Na rîrîa aathiîre varîa maarî riita rîa kathatû, nîwamerire atîrî, “Anga nginya rîu mûrî toro mûvurûkîte? Nî îthirîre vau! Îvinda nîrîakinya na Mûrû wa Mûndû nîakûnenganîrwa kûrî evia.

Maariko 7:9

Nake Jesû nîwathiîre na mbere na kûmeera atîrî, “Mue mûrî na wara mwîngî wa kûregana na maathani ma Ngai, nîguo mûrûmîrîre kîrîra kîrîa mwatigîrwe nî methe menyu.