1Atha 18:24 - ÎVUKU RÎA ÛVORO MWARO

²⁴ Arathi a Baali nîmacoke mete rîîtwa rîa ngai wao, nanie nîngwîta rîîtwa rîa Ngai-Mûnene. Ngai ûrîa ûgûcokia na njîra ya kûrete mwaki, ûcio nîke Ngai wa ma.” Nao andû onthe nîmeetîkirie atî ûndû ûcio nî mwaro.

1Atha 18:24 ပူးပေါင်းရင်းမြစ်များ

Kîam 4:26

Sethi nîwagîre na kamwana na agîgeta Enoshi. Vîndî îo nîrîo andû maambîrîrie kûgwetaga rîîtwa Ngai-Mûnene makîgooca.

2Sam 14:19

Mûthamaki nîwaûririe mûndûmûka ûcio atîrî, “Kûrî na ûndû ûmwe Joabu angîthîrwa akwîrîrîte gatagatî ka mama?” Nake mûndûmûka ûcio nîwacokirie atîrî, “Wata ûrîa we ûtûûraga mwoyo mwathi wakwa, ndingîvota gûkararia maûndû mau monthe warîtie. Nî ndungata yaku Joabu îrambîrire ûrîa ngwîka na ûrîa nguuga.

1Atha 18:23

Twindîreni ndegwa igîrî; arathi a Baali nîmathuure îmwe, mamîûrage, mamîtinangie tûcunjî, macoke mamigîrîre îgûrû rîa ngû; nwatî matigakie mwaki. Nanie nîngwoca ndegwa îo îngî, nîmîvarîrie na nîmigîrîre îgûrû rîa ngû na tîmbakia mwaki.

1Atha 18:25

Elija nîwacokire akîra arathi a Baali atîrî, “Nîûndû mue mûrî eengî, ambani mwîthuurîre ndegwa îmwe na mûmîvarîrie. Mwîte rîîtwa rîa ngai wenyu, nwatî mûtigakie mwaki.”

1Atha 18:38

Vîndî wa îo mwaki wa Ngai-Mûnene nîwaumire îgûrû na ûkîvîvia matega, ngû, mathiga, mûthetu na ûkînyarithia manjî marîa maarî mûtarorî.

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

1Atha 2:38

Nake Shimei nîwacokerie mûthamaki atîrî, “Nî waro mwathi wakwa, nîngwîka ûguo wambîra.” Kwoguo Shimei nîwatûûrire Jerusalemu îvinda îraca.

1Maû 21:26

Daudi nîwatumire metha ya kîgongoona ya Ngai-Mûnene vau na nîwarutire matega ma kûvîvua na matega ma thayû. Nîwavoire na Ngai-Mûnene nîwamûcokerie mavoya make na njîra ya gûtûma mwaki kuuma îgûrû na ûkînyûrûrûka ûkîvîvia matega mau.

2Maû 7:1

Rîrîa mûthamaki Solomoni aarîkirie kûvoya, mwaki nîwanyûrûrûkire kuuma îgûrû na ûkîvîvia magongoona na matega marîa maarutîtwe. Naguo riiri wa Ngai-Mûnene nîwecûrire hekarûrî.

2Maû 7:3

Rîrîa andû a Isiraeli moonire mwaki wanyûrûrûka kuuma îgûrû na riiri wa Ngai-Mûnene ûrî îgûrû rîa hekarû, nîmaaturirie maru na magîturumithia mothiû mao vau vaarîtwe mathiga na makîgooca Ngai-Mûnene makiuga “Ke nî mwaro, wendo wake ûtathiraga nî wa tene na tene.”

Isaia 39:8

Nake Hezekia nîwerire Isaia atîrî, “Mîgambo ya Ngai-Mûnene îo wauga nî mîaro.” Mûthamaki aaugire ûguo nîûndû eeciragia atî, nîgûkethîrwa na thayû na ûgitîri vîndî ya ûtûûro wake wonthe.

Jeremia 27:18

Ethîrwa o nî arathi na marî na ndûmîrîri ya Ngai-Mûnene, nî makaîre Ngai-Mûnene mwene vinya wonthe nîguo indo irîa ciatigarire hekarûrî ya Ngai-Mûnene na nyombarî ya mûthamaki wa Juda na Jerusalemu itikavirwe Babuloni.”

Alawi 9:24

Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.

Atir 6:21

Mûraika wa Ngai-Mûnene nîwacokire akîvutia nyama na mîgate îo na mûthiia wa mûragi ûcio aanyitîte na njara. Naguo mwaki nîwaumire îthigarî rîu na ûkîvîvia nyama na mîgate îo îtaarî mîkîre ndawa ya kwimbia; Mûraika wa Ngai-Mûnene nîwacokire akîûrîra.