1Atha 18:21 - ÎVUKU RÎA ÛVORO MWARO

²¹ Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

1Atha 18:21 ပူးပေါင်းရင်းမြစ်များ

Kîam 24:50

Labani na Bethueli nîmaamûcokerie atîrî, “Ûvoro ûcio umîte kûrî Ngai-Mûnene, tue gûtirî ûndû tûngîtua.

Kîam 44:16

Juda nîwacokirie atîrî, “Tue tûngîkwîra atîa mwathi wetû? Tûngîkararia atîa? Tûngîîtigithia atîa? Ngai nîwonanîtie mevia metû tue ndungata ciaku. Kwoguo tue tuonthe tûrî ngombo ciaku vamwe na ûcio wanyitwa arî na gîkombe.”

1Atha 18:20

Kwoguo Ahabu nîwatûmanîre Aisiraeli onthe na agîta arathi onthe a Baali na onthe magîtûngana kûu kîrîmarî gîa Karimeli.

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

2Atha 17:41

Kwoguo andû acio nîmaagoocaga Ngai-Mûnene, nwatî nwa maagoocaga ngai ciao cia mîvuanano, na nginya ûmûnthî njiarwa ciao itwîre ciîkaga wata ûrîa methe mao ma tene meekaga.

1Maû 17:26

Ngai-Mûnene, we nîwe Ngai na nîwîrîrîte ndungata yaku ûndû ûyû mwaro.

2Maû 33:13

Ngai nîwegwire mavoya make na akîmwîguîrîra ntha. Kwoguo Ngai-Mûnene nîwamûvotithirie gûcoka Jerusalemu, ûthamakirî wake. Ûndû ûcio nîwatûmire Manase amenya atî Ngai-Mûnene, nî Ngai.

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 119:113

Nînthûrîte andû a ngoro igîrî, nwatî nîmendete watho waku.

Hosea 10:2

Ngoro ciao ciîcûrîte ûthani, Rîu nwa nginya maverithue nîûndû wa mevia mao. Ngai mûnene nîakoomomora metha cia magongoona, na omomore itugî cia mathiga ciakûvoyagîrwa.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Mathaayo 22:12

‘Mûrata wakwa, ûtonyire gûkû atîa ûtekîrîte nguo ya ûviki?’ Nake mûndû ûcio nîwakirire kivi.

Mathaayo 22:34

Rîrîa Afarisai megwire atî Jesû nîwakiririe Asadukai, nîmaagomanire vamwe.

Mathaayo 22:36

“Mwarimû, nî rîathani rîrîkû rî vata mûno wathorî?”

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Luka 6:13

Na kîraûko gwakîa, Jesû nîwetire arutwa ake na gatagatîrî kao akîîthuurîra îkûmi na aîrî, arîa eetire atûmwa.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Gûco 4:35

Mwonirue maûndû mau nîguo mûmenye atî Ngai-Mûnene nî Ngai, na gûtirî wîngî tiga Ke.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”