1Atha 18:18 - ÎVUKU RÎA ÛVORO MWARO

¹⁸ Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

1Atha 18:18 ပူးပေါင်းရင်းမြစ်များ

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

1Atha 16:32

Nîwatumîre Baali hekarû kûu Samaria, akîmîtumîra metha ya kîgongoona na akîmiga kuo.

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Atha 21:26

Nîwekire mevia ma nthoni mûno na njîra ya kûgooca mîvuanano, ta ûrîa Amori meekîte. Amori meengatagwa nî Ngai-Mûnene kuuma vûrûrirî wa ûrîa andû a Isiraeli maathiîcaga na mbere.)

1Atha 9:9

Nao andû nîmakaamacokeria atîrî, ‘Nîûndû nîmaatiganîrie Ngai-Mûnene, Ngai wao, ûrîa warutire methe mao ma tene vûrûrirî wa Misiri, na makîrûmîrîra ngai ciîngî na makîigooca na magîitungatîra. Ngai-Mûnene nîwamaretere mathîna mama monthe.’ ”

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 28:19

Ngai-Mûnene nîwaretithîrie andû a Juda thîna nîûndû Ahazi, mûthamaki wa Isiraeli nîwatûmîte andû a Juda mevie na ndaarî mwîvokeku kûrî Ngai-Mûnene.

Nthi 11:19

Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

Nthi 13:21

Mathîna marûmanagîrîra na mwîvia kûndû kuonthe, nwatî andû arîa athingu nîmakaarîvwa na maûndû maro.

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 23:13

Gatagatîrî ka arathi a Samaria, nîmonete ûndû ûtarî mwaro; maarathaga na rîîtwa rîa Baali, na makîvîtithia andû akwa a Isiraeli.

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Ezek 3:8

Taroria, nîndûmîte ûtuîke mûremi na ûgîe na ngoro nyûmû ta o.

Mathaayo 14:4

Johana nîwekaraga akîîraga Herode atîrî, “Watho ndûgwîtîkîrîtie ûvikie Herodia!”

Ciîko 24:13

O wana matingîvota gûkwonia atî maûndû mau rîu maranthitanga nîûndû wamo nî ma ma.

Ciîko 24:20

Kana Ayahudi aya marî ava makwîre nî ngero îrîkû moonire mbîkîte vîndî îrîa netetere nîrî mbere ya Kîamma.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

1Sam 14:29

Nake Jonathani nîwaugire atîrî, “Kaî vava nîatûmîte andû onthe methîrwa marî na ruuo-î! Taroriani mwone ûrîa metho makwa matherete nîûndû wa kûrîa kaûûkî kanini!