1Atha 18:12 - ÎVUKU RÎA ÛVORO MWARO

¹² Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

1Atha 18:12 ပူးပေါင်းရင်းမြစ်များ

1Atha 18:11

Na rîu ûrenda nthiî ngamwîre atî wî gûkû.

2Atha 2:11

Mathiîte wa ûguo wa makîaragia, wa rîmwe gîkaari Kîamrîrîmbûkaga ta mwaki kîgucîtue nî mbarathi ciarîrîmbûkaga ta mwaki nîgîaûkire karîgatî kao oîrî, na Elija nîwavirirwe îgûrû nî rûkûngi rûnene rwavurutanaga na vinya.

2Atha 2:16

na makîmwîra atîrî, “Tue ndungata ciaku, tûrî ava tûrî arûme mîrongo îtano (50) marî vinya. Twakûthaitha ûtwîtîkîrie tûthiî tûgacarie mwathi waku. Nwa kwîthîrwa Roho wa Ngai-Mûnene ûthiîre nake na wamûtiga vandû îgûrû rîa kîrîma, kana vandû Kîamndarî.” Nake Elisha nîwamerire atîrî, “Naarî, tîmûthiî.”

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Thaburi 71:5

Nîûndû we Ngai-Mûnene, nîwe kîîrîgîrîro gîakwa; kîîrîgîrîro gîakwa kuuma nîrî mûnini.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

Mûvunjia 7:18

Nî waro mûno kûûrîra mwena wa wonthe wa mîena îo yoîrî. Mûndû ûtîîte Ngai nî akaavootana.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Ezek 11:24

Na njîra ya kîoneki Roho wa Ngai nîwambocire akîmvira îthamîriorî vûrûri wa Akalidei, na kîoneki kîrîa naarî nakîo gîkîthira.

Ezek 37:1

Nînecûrirwe nî vinya wa Ngai-Mûnene na Roho wake nîwanguire na ûkîmbira vandû Kîamndarî gatagatî. Kîanda kîu gîecûrîte mavîndî.

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 4:1

Na vuva wa ûguo Jesû nîwavirirwe nî Roho werûrî nîguo akagerue nî Ngoma.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Ciîko 12:19

Nake Herode nîwarutire watho akiuga Petero acarue kûndû kuonthe, nwatî matiamwona. Kwoguo nîwatuîririe arangîri waro na akîruta watho akiuga maûragwe. Na vuva wa ûguo Herode nîwanyûrûrûkire akiuma Judea akîthiî Kaisarea agîkara kuo.

Ciîko 8:39

Na rîrîa maaumîrire manjîrî, Filipu nîwecukirue nî Roho wa Mwathani, na mûndû ûcio ngaramba ndaamwona rîngî, nwatî nîwathiîre na mbere na rûgendo rwake ecûrîtwe nî gîkeno.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

1Sam 16:2

Nake Samueli nîwaûririe atîrî, “Nîngîka ûguo atîa? Saûlo angîgua ûguo nîkwa akambûraga!” Nake Ngai-Mûnene nîwerire Samueli atîrî, “Oca mori ûthiî nayo na uge atî ûthiîte kuo kûrutîra Ngai-Mûnene kîgongoona.

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.