1Atha 17:12 - ÎVUKU RÎA ÛVORO MWARO

¹² Nake nîwacokirie atîrî, “Nie nevîta na Ngai-Mûnene, Ngai waku ûrîa ûtûûraga mwoyo, atî ndirî na mûgate. Nwa kamûtu kanini tu nîrî nako karî mbakûrirî na tûguta tûnini tûrî mûcuvarî, na rîu nîkwa nîrocania ngû nîguo nthiî ngaruge kamûtu kau tûrîe tûrî na mûvîcîwa tûcoke tûkue nîûndû tûtirî na irio ciîngî.”

1Atha 17:12 ပူးပေါင်းရင်းမြစ်များ

Kîam 21:15

Rîrîa manjî marîa aakuîte maathirire, nîwatigire mwana rungu rwa mîtî.

Kîam 21:16

Nîwacokire akîthiî vandû ta va mita îgana rîmwe agîkara nthî. Hagari nîweîrire atîrî, “Nie ndingîûmîrîria kwona mwana wakwa agîkua.” Ekarîte wa vau, kaana nîkaambîrîrie kûrîra kaugîrîrîtie.

2Sam 15:21

Nwatî Itai nîwacokerie mûthamaki atîrî, “Mwathi wakwa, nevîta na rîîtwa rîa Ngai-Mûnene, atî vîndî cionthe tûkethagîrwa nawe, wana ethîrwa nî mûtinorî wa gîkuû.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 17:11

Rîrîa mûndûmûka wa ndigwa aathiîcaga kûgîra manjî, Elija nîwamwîtire na akîmwîra atîrî, “Nakûthaitha ûndetere kanuku ka mûgate wana ko.”

1Atha 17:13

Nake Elija nîwamwîrire atîrî, “Ndûkamake, thiî na wîke wa ûguo wauga. Nwatî amba ûndugîre kamûgate kanini na ûndetere, ûcoke ûruge kau kengî mûrîe na mûvîcîguo.

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Mathaayo 26:7

Rîrîa Jesû aarîcaga irio, mûndûmûka ûmwe nîwathiîre kûrî ke akuuîte mûcuva wîcûrîte maguta maanungaga waro na ma goro, na agîtîrîria maguta mau kîongorî Kîam Jesû.

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 20:21

Nîngaacoka mbîîre ndungata yakwa îthiî îgacarie mîguî îo. Na nîngîkera ndungata îo atîrî, ‘Taroria mîguî îrî mwena ûcio ûrî, mîoce,’ vîndî îo nîûkaamenya atî kûrî na thayû na nwa umîre. Nînevîta na Ngai-Mûnene ûrîa ûtûûraga mwoyo atî gûtikethîrwa kûrî na ûgwati.

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.