1Atha 16:8 - ÎVUKU RÎA ÛVORO MWARO

⁸ Mwakarî wa mîrongo îîrî na îtandatû (26) Asa arî mûthamaki wa Juda, Ela mûvîcî wa Baasha nîwatuîkire mûthamaki wa Isiraeli, na nîwathanire arî kûu Tiriza îvinda rîa mîaka îîrî (2).

1Atha 16:8 ပူးပေါင်းရင်းမြစ်များ

1Atha 15:16

Asa mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

1Atha 15:33

Mwakarî wa kathatû Asa arî mûthamaki Juda, Baasha, mûvîcî wa Ahija nîwatuîkire mûthamaki wa Isiraeli kuonthe, na nîwathanire arî Tiriza îvinda rîa mîaka mîrongo îîrî na îna (24).

1Atha 16:15

Mwakarî wa mîrongo îîrî na mûgwanja (27) Asa arî mûthamaki wa Juda, Zimuri nîwathanire Isiraeli arî Tiriza îvinda rîa mîthenya mûgwanja (7). Athigari a mbaara a Isiraeli nîmaathiûrûrûkîrie Gibethoni, îtûûra rînene rîa Filisiti.

1Atha 16:21

Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

1Atha 16:23

Mwakarî wa mîrongo îthatû na ûmwe (31), Asa arî mûthamaki wa Juda, Omuri nîwatuîkire mûthamaki wa Isiraeli na nîwathanire îvinda rîa mîaka îkûmi na îîrî (12). Mîaka îtandatû aathanire arî Tiriza.

1Atha 16:6

Baasha nîwacokire agîkua na akîthikwa kûu Tiriza, nake mûvîcî Ela nîwatuîkire mûthamaki vuva wake.

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

1Atha 16:9

Ndungata yake Zimuri, ûrîa warî mûnene wa nuthu ya ikaari ciake cia mbarathi nîwavangire ûrîa akûmûraga. Mûthenya ûmwe mûthamaki Ela arî kûu Tiriza nîwanyuire ndivei arî mûciî kwa Ariza na akîrîwa. Ariza aarî mûmenyereri wa mûciî wa mûthamaki kûu Tiriza.

2Atha 15:14

Menahemu mûvîcî wa Gadi nîwaumire Tiriza na akîthiî Samaria. Nîwaûragire Shalumu, agîcoka agîtuîka mûthamaki vuva wake.

2Atha 15:23

Mwakarî wa mîrongo îtano (50) Azaria arî mûthamaki wa Juda, Pekahia mûvîcî wa Remalia nîwatuîkire mûthamaki wa Isiraeli, na nîwathanire arî Samaria îvinda rîa mîaka îîrî (2).

2Atha 21:19

Amoni aarî na ûkûrû wa mîaka mîrongo îîrî na îîrî (22) rîrîa aatuîkire mûthamaki wa Juda, na nîwathanire arî Jerusalemu îvinda rîa mîaka îîrî (2). Ng'ina etagwa Meshulemethi, mwarî wa Haruzi wa kuuma îtûûrarî rîa Jotiba.

Nthi 28:2

Rîrîa andû mevia vûrûri wao nîûgîcaga na athani eengî, nwatî vûrûri ûrî na athani aûgî na marî na ûtaûku nîûgîcaga na vinya na ûgekindîria.