1Atha 16:29 - ÎVUKU RÎA ÛVORO MWARO

²⁹ Mwakarî wa mîrongo îthatû na înana (38) Asa arî mûthamaki wa Juda, Ahabu mûvîcî wa Omuri nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îîrî na îîrî (22).

1Atha 16:29 ပူးပေါင်းရင်းမြစ်များ

1Atha 16:21

Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

1Atha 16:23

Mwakarî wa mîrongo îthatû na ûmwe (31), Asa arî mûthamaki wa Juda, Omuri nîwatuîkire mûthamaki wa Isiraeli na nîwathanire îvinda rîa mîaka îkûmi na îîrî (12). Mîaka îtandatû aathanire arî Tiriza.

1Atha 16:24

Nîwagûrire kîrîma gîa Samaria na sîlûva ngiri ithathatû (6,000) kuuma kûrî Shemeri. Omuri nîwairigîre kîrîma kîu, agîtuma îtûûra kuo na akîrîtania na Shemeri ûrîa warî mwene kîrîma kîu. Omuri eetire îtûûra rîu Samaria.

1Atha 16:28

Omuri nîwacokire agîkua na akîthikwa kûu Samaria, nake mûvîcî Ahabu agîtuîka mûthamaki vuva wake.

1Atha 16:30

Ahabu, mûvîcî wa Omuri nîwevirie arî mbere ya Ngai-Mûnene makîria ya andû onthe arîa maarî athamaki mbere yake.

1Atha 16:33

Nîwacokire akîrûtha Ashera, mûvuanano wa ngai ya nga. Ahabu nîwarakaririe Ngai-Mûnene, Ngai wa Isiraeli makîria ya andû onthe arîa maarî athamaki a Isiraeli mbere yake.

1Atha 21:18

“Thiî kûrî Ahabu mûthamaki wa Isiraeli, ûrîa wî Samaria. Nîûkûmwîthîrîria mûgûndarî wa mîthavibu wa Nabothi kûrîa athiî kwîyocera guo ûtuîke wake.

2Maû 25:13

Kavinda wa kau, athigari arîa Amazia aacokithirie a kuuma Isiraeli akîrega mathiî nake mbaararî nîmaatharîkîre matûûra ma Juda, kuuma Samaria nginya Bethi-horoni. Nîmaaûragire arûme ngiri ithatû (3,000) na magîtava indo nyîngî.

Jeremia 41:5

andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.