1Atha 16:24 - ÎVUKU RÎA ÛVORO MWARO

²⁴ Nîwagûrire kîrîma gîa Samaria na sîlûva ngiri ithathatû (6,000) kuuma kûrî Shemeri. Omuri nîwairigîre kîrîma kîu, agîtuma îtûûra kuo na akîrîtania na Shemeri ûrîa warî mwene kîrîma kîu. Omuri eetire îtûûra rîu Samaria.

1Atha 16:24 ပူးပေါင်းရင်းမြစ်များ

1Atha 13:32

Mûgeeka guo nîûndû, ciugo irîa mûndû ûyû aathirwe nî Ngai-Mûnene auge cia kûruma metha ya kîgongoona îrîa îrî Betheli, vamwe na kûndû kuonthe gwa kûgoocerwa kûu matûûrarî marîa manene ma Samaria nwanginya ikaavinga.”

1Atha 16:32

Nîwatumîre Baali hekarû kûu Samaria, akîmîtumîra metha ya kîgongoona na akîmiga kuo.

1Atha 18:2

Kwoguo Elija nîwathiîre kwîyonithania kûrî Ahabu. Vîndî îo yûra rîarî rînene mûno kûu Samaria.

1Atha 20:1

Benihadadi, mûthamaki wa Sîria nîwaûnganirie athigari ake onthe. Nîwatethererue nî athamaki engî mîrongo îthatû na aîrî (32) marî na mbarathi ciao na ikaari cia mbaara, nîwathiîre akîthiûrûrûkîria îtûûra rîa Samaria na akîrîtharîkîra.

1Atha 22:37

Rîrîa mûthamaki Ahabu aakwire, mwîrî wake nîwavirirwe Samaria na makîûthika kuo.

2Atha 10:1

Ahabu aarî na anake mîrongo mûgwanja (70) arîa maatûûraga Samaria. Kwoguo Jehu nîwandîkire maarûa na agîitûma kûrî atongoria a îtûûra rînene rîa Samaria, kûrî atongoria a mîvîrîga, na kûrî andû arîa maamenyagîrîra anake a Ahabu. Maarûa îo yandîkîtwe atîrî,

2Atha 15:13

Mwakarî wa mîrongo îthatû na kenda (39) Uzia arî mûthamaki wa Juda, Shalumu mûvîcî wa Jabeshi nîwatuîkire mûthamaki wa Isiraeli, na nîwathanire arî Samaria îvinda rîa mweri ûmwe (1).

2Atha 17:1

Mwakarî wa îkûmi na îîrî (12), Ahazi arî mûthamaki wa Juda, Hoshea, mûvîcî wa Ela nîwatuîkire mûthamaki wa Isiraeli na nîwathanire arî Samaria îvinda rîa mîaka kenda (9).

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

Jeremia 41:5

andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Amosi 6:1

Kaî arîa mekaraga Zayuni magangarîte marî na thîna-î, na arîa megucaga marî agitîre marî kîrîmarî gîa Samaria, mue atongoria a rûrîrî rûnene rwa Isiraeli, kûrîa andû mathiîcaga gûcaria ûtethio!

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!