1Atha 16:22 - ÎVUKU RÎA ÛVORO MWARO

²² Nwatî mûthiiarî, gîkundi kîrîa kîendaga Tibuni mûvîcî wa Ginathu atuîke mûthamaki nîkîavootirwe nî gîkundi kîrîa kîendaga Omuri atuîke mûthamaki. Kwoguo Tibuni nîwakwire na Omuri agîtuîka mûthamaki.

1Atha 16:22 ပူးပေါင်းရင်းမြစ်များ

1Atha 16:21

Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

1Atha 16:23

Mwakarî wa mîrongo îthatû na ûmwe (31), Asa arî mûthamaki wa Juda, Omuri nîwatuîkire mûthamaki wa Isiraeli na nîwathanire îvinda rîa mîaka îkûmi na îîrî (12). Mîaka îtandatû aathanire arî Tiriza.

2Atha 8:26

Ahazia aarî na ûkûrû wa mîaka mîrongo îîrî na îîrî (22) rîrîa aatuîkire mûthamaki, na aathanire arî Jerusalemu îvinda rîa mwaka ûmwe. Ng'ina eetagwa Athalia, ûrîa warî ûcûwe wa Omuri, mûthamaki wa Isiraeli.

Hosea 7:7

Andû onthe makanîtwe nî marakara ta makara njikorî, na makaûraga atongoria ao. Athamaki ao onthe nîmagûîte, na gûtirî wanarî ûmwe ûngîmvoya ûrekero.