1Atha 16:21 - ÎVUKU RÎA ÛVORO MWARO

²¹ Andû a Isiraeli nîmaagaûkanire ikundi igîrî. Gîkundi kîmwe kîendaga Tibuni mûvîcî wa Ginathu atuîke mûthamaki. Nakîo gîkundi kîu kîngî kîendaga Omuri atuîke mûthamaki.

1Atha 16:21 ပူးပေါင်းရင်းမြစ်များ

1Atha 15:25

Mwakarî wa kaîrî Asa arî mûthamaki wa Juda, Nadabu, mûvîcî wa mûthamaki Jeroboamu nîwatuîkire mûthamaki wa Isiraeli, na nîwathanire Isiraeli îvinda rîa mîaka îîrî (2).

1Atha 15:28

Kwoguo Baasha aaûragire Nadabu mwakarî wa kathatû Asa arî mûthamaki wa Juda. Nake Baasha nîwatuîkire mûthamaki wa Isiraeli vuva wa Nadabu.

1Atha 16:20

Maûndû marîa mengî monthe marîa Zimuri eekire wa vamwe na mûvango ûrîa aavangîte wa kûûraga mûthamaki nîmandîke îvukuurî rîa maûndû ma tene ma Athamaki a Isiraeli.

1Atha 16:22

Nwatî mûthiiarî, gîkundi kîrîa kîendaga Tibuni mûvîcî wa Ginathu atuîke mûthamaki nîkîavootirwe nî gîkundi kîrîa kîendaga Omuri atuîke mûthamaki. Kwoguo Tibuni nîwakwire na Omuri agîtuîka mûthamaki.

1Atha 16:29

Mwakarî wa mîrongo îthatû na înana (38) Asa arî mûthamaki wa Juda, Ahabu mûvîcî wa Omuri nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îîrî na îîrî (22).

1Atha 16:8

Mwakarî wa mîrongo îîrî na îtandatû (26) Asa arî mûthamaki wa Juda, Ela mûvîcî wa Baasha nîwatuîkire mûthamaki wa Isiraeli, na nîwathanire arî kûu Tiriza îvinda rîa mîaka îîrî (2).

Nthi 28:2

Rîrîa andû mevia vûrûri wao nîûgîcaga na athani eengî, nwatî vûrûri ûrî na athani aûgî na marî na ûtaûku nîûgîcaga na vinya na ûgekindîria.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Mathaayo 12:25

Nake Jesû nîwecî ûrîa meciragia, na kwoguo nîwamerire atîrî, “Ûthamaki wa wonthe ûngîgaûkana na andû a guo mambîrîrie kûrûa o ene, ûthamaki ûcio ndûngîvota kwîrûngamia. Narîo îtûûra wa rîonthe, kana nyomba îngîgaûkana, nao andû a îtûûra rîu kana nyomba îo mambîrîrie kûrûa o ene, nîkûvaragana mavaraganaga.