1Atha 16:18 - ÎVUKU RÎA ÛVORO MWARO

¹⁸ Rîrîa Zimuri oonire atî îtûûra rîrîa rînene rîarî rîtave, nîwatonyire nyomba ya ndaarî ya mûthamaki, akîmundia nyomba ya mûthamaki mwaki, akîvîîra kuo na agîkua.

1Atha 16:18 ပူးပေါင်းရင်းမြစ်များ

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

1Atha 16:17

Omuri marî na andû onthe a Isiraeli nîmaaumire Gibethoni na makîthiî makîthiûrûrûkîria îtûûra rîa Tiriza.

2Atha 15:25

Mûtongoria ûmwe wa athigari a mbaara a mûthamaki Pekahia wetagwa Peka, mûvîcî wa Remalia nîwavangire marî na arûme mîrongo îtano (50) a kuuma Gileadi, ûrîa makûraga Pekahia. Peka nîwaûragîre Pekahia nyombarî yake ya ndaarî, na agîtuîka mûthamaki vuva wake.

2Atha 9:31

Rîrîa Jehu aatonyire kîvingorî, Jezebeli nîwaûririe atîrî, “Zimuri, we ûraûragire mwathi waku ûkîte na thayû?”

Mathaayo 27:5

Nake Judasi nîwaikanirie mbeca icio kûu hekarûrî, akiuma na akîthiî agîita.

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.