1Atha 16:16 - ÎVUKU RÎA ÛVORO MWARO

¹⁶ Rîrîa meegwire atî Zimuri nîwavangîte ûrîa akûraga mûthamaki na akîmûraga, onthe nîmaacokire makîthuura Omuri, mûnene wa athigari a mbaara na agîtuîka mûthamaki wa Isiraeli mûthenya wa ûcio.

1Atha 16:16 ပူးပေါင်းရင်းမြစ်များ

1Atha 15:27

Baasha mûvîcî wa Ahija kuuma mûvîrîgarî wa Isakaru nîwavangire ûrîa akûraga Nadabu. Baasha nîwaûragîre Nadabu îtûûrarî rîa Gibethoni kûu Filisiti, rîrîa Nadabu na Aisiraeli onthe maathiûrûrûkîrîtie îtûûra rîu nîguo marîcunane.

1Atha 16:15

Mwakarî wa mîrongo îîrî na mûgwanja (27) Asa arî mûthamaki wa Juda, Zimuri nîwathanire Isiraeli arî Tiriza îvinda rîa mîthenya mûgwanja (7). Athigari a mbaara a Isiraeli nîmaathiûrûrûkîrie Gibethoni, îtûûra rînene rîa Filisiti.

1Atha 16:17

Omuri marî na andû onthe a Isiraeli nîmaaumire Gibethoni na makîthiî makîthiûrûrûkîria îtûûra rîa Tiriza.

1Atha 16:30

Ahabu, mûvîcî wa Omuri nîwevirie arî mbere ya Ngai-Mûnene makîria ya andû onthe arîa maarî athamaki mbere yake.

2Atha 8:26

Ahazia aarî na ûkûrû wa mîaka mîrongo îîrî na îîrî (22) rîrîa aatuîkire mûthamaki, na aathanire arî Jerusalemu îvinda rîa mwaka ûmwe. Ng'ina eetagwa Athalia, ûrîa warî ûcûwe wa Omuri, mûthamaki wa Isiraeli.

2Maû 22:2

Ahazia aatuîkire mûthamaki arî na ûkûrû wa mîaka mîrongo îna na îîrî (42). Nîwathanire arî Jerusalemu îvinda rîa mwaka ûmwe (1). Ng'ina eetagwa Athalia mwarî wa mûthamaki Ahabu. Athalia aarî mwana wa mwarî wa Omuri, mûthamaki wa Isiraeli.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.