1Atha 16:12 - ÎVUKU RÎA ÛVORO MWARO

¹² Kwoguo wata ûrîa Ngai-Mûnene eerîte Baasha na njîra ya mûrathi Jehu, Zimuri nîwaûragire andû onthe a nyomba ya Baasha.

1Atha 16:12 ပူးပေါင်းရင်းမြစ်များ

1Atha 14:18

Andû onthe a Isiraeli nîmaamûcakaîre na makîmûthika wata ûrîa Ngai-Mûnene aaugîte na njîra ya mûrathi Ahija, ndungata yake.

1Atha 15:16

Asa mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

1Atha 16:1

Ngai-Mûnene nîwatûmire mûrathi Jehu mûvîcî wa Hanani kûrî Baasha akamwîre atîrî,

1Atha 16:3

Kwoguo nîngûkûthiria viû wa vamwe na andû a nyomba yaku, wata ûrîa neekire andû a nyomba ya Jeroboamu mûvîcî wa Nebati.

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

1Atha 17:16

Wata ûrîa Ngai-Mûnene eeranîrîte kûvîtûkîrîra kûrî Elija, mûtu ndwathira mbakûrirî kana maguta mathira mûcuvarî.

2Atha 14:25

Nîwacokirie rîngî vûrûri wonthe ûrîa warî wa andû a Isiraeli kuuma mwanyarî wa Hamathi mwena wa rûgûrû nginya Îriarî rîa Araba mwena wa îveti. Ûguo nîguo Ngai-Mûnene Ngai wa Isiraeli aaugîte na njîra ya ndungata yake mûrathi Jona, mûvîcî wa Amitai. Jona aarî wa kuuma Gathu Heferi.

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 20:34

Maûndû mau mengî marîa mûthamaki Jehoshafati eekire kuuma Kîammbîrîria nginya mûthiia nîmandîke rûganorî rwa Jehu, mûvîcî wa Hanani. Na nîmandîke îvukuurî rîa maûndû ma tene ma athamaki a Isiraeli.

Nthi 26:6

Mûndû ûrîa ûtûmaga kîrimû na ndûmîrîri, nîta gwîtinia etinagia magûrû, na nîeretagîre thîna.