1Atha 15:20 - ÎVUKU RÎA ÛVORO MWARO

²⁰ Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka na kûndû kûrîa kwarî vakuvî na Îria rîa Galili, vamwe na vûrûri wonthe wa Nafutali.

1Atha 15:20 ပူးပေါင်းရင်းမြစ်များ

Kîam 14:14

Rîrîa Aburamu eegwire atî mwîvwa wake Loti nîmûnyite, nîwatongoririe andû magana mathatû ma îkûmi na anana arîa maaciarîrîtwe gwake na maamenyete kûrûa, na makîvinyûria athamaki acio ana nginya Dani.

1Atha 12:29

Nîwaigire gacaû kamwe ka thaavu kûu Betheli, nako kau kengî agîkaiga kûu Dani.

1Atha 20:1

Benihadadi, mûthamaki wa Sîria nîwaûnganirie athigari ake onthe. Nîwatethererue nî athamaki engî mîrongo îthatû na aîrî (32) marî na mbarathi ciao na ikaari cia mbaara, nîwathiîre akîthiûrûrûkîria îtûûra rîa Samaria na akîrîtharîkîra.

1Atha 20:34

Benihadadi nîwerire Ahabu atîrî, “Nîngaagûcokeria matûûra marîa vava aacunire aguo, na nwa wambîrîrie thoko kûu Damesiki, wata ûrîa vava eekire kûu Samaria.” Nake Ahabu nîwamûcokerie atîrî, “Nîngûrekereria nîûndû wa ûguo wauga.” Kwoguo Ahabu nîwarûthire kîrîkanîro na Benihadadi na akîmûrekereria akîthiî.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

Josh 11:2

na kûrî athamaki arîa maarî vûrûrirî ûrîa ûrî irîma mwena wa rûgûrû. Nîwatûmanire wana kûrî mûthamaki wa cianda cia Jorodani mwena wa îveti wa îria rîa Galili na kûrî mûthamaki wa vûrûri ûrîa ûrî ngurumo ya irîma, na wa Dori mwena wa îthûîro.

Josh 12:3

Mwena wa îthûîro mûvaka wa vûrûri ûrîa aathanaga waumîte Kîamndarî Kîam rûnjî rwa Jorodani îriarî rîa Galili mwena wa îveti nginya Bethi Jeshimothi mwena wa îrathîro wa îria rîa Cumbî na ûkîthiî nginya nthî ya kîrîma Kîam Pisiga.

Josh 19:39

Matûûra mau vamwe na icagi ciamo maarî vûrûrirî ûrîa wagaîrwe mûvîrîga wa Nafutali na mbarî ciaguo ûtuîke wao.

Atir 18:29

Nîmaagarûrire rîîtwa rîa îtûûra rîu rîa Laishi na makîrîîta Dani. Maarîtanirie na îthe wao wa tene Dani ûrîa warî mûvîcî wa Jakovu.