1Atha 14:24 - ÎVUKU RÎA ÛVORO MWARO

²⁴ Wana kwarî na arûme maarutagîra wîra wa ûmaraa kûrîa kwagoocagîrwa ngai cia mîvuanano. Andû a Juda meekaga maûndû monthe ma ûûra nthoni marîa meekagwa nî andû arîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

1Atha 14:24 ပူးပေါင်းရင်းမြစ်များ

Kîam 19:5

Nao nîmeetire Loti na makîmûria atîrî, “Arûme arîa maûkire gwîkara nawe ûmûnthî ûtukû marî kû? Marute na gûkû nja nîguo tûmenyane nao kîîmwîrî!”

1Atha 15:12

Nîwengatire kuuma vûrûrirî arûme na aka onthe arîa maarî maraa ma ndini na akîruta mîvuanano yonthe îrîa yarûthîtwe nî methe mao.

1Atha 22:46

Nîwathiririe arûme onthe arîa maarî maraa na aatungataga metharî cia magongoona na maatigarîte vîndî îrîa îthe Asa aathanaga.

2Atha 23:7

Nîwacûkangirie nyomba irîa ciekaragwa nî maraa ma ngai ya Ashera irîa ciarî vakuvî na hekarûrî ya Ngai-Mûnene, kûrîa aka maatumagîra nguo irîa maatûmagîra makîgooca Ashera.

Alawi 18:26

Mue andû a Isiraeli muonthe vamwe na ageni arîa mûtûûranagia nao, nwanginya mûrûmagîrîre mawatho ma Ngai-Mûnene na mwîkage ûrîa maugîte.

Alawi 18:30

“Kwoguo rûmagîrîrani mawatho marîa nîmûvete na mûtikagîe na mîtugo mîcûku ta îrîa yarî na andû arîa maatûûraga vûrûrirî ûcio mbere yenyu, kana mwîvaka gîko mûkîmîka. Nie nînie Ngai-Mûnene, Ngai wenyu.”

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

Gûco 23:17

“Gûtirî Mûisiraeli, mûndûmûrûme kana mûndûmûka ûgatuîka îraa rîa ndini.

Gûco 23:18

Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”