1Atha 14:23 - ÎVUKU RÎA ÛVORO MWARO

²³ Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

1Atha 14:23 ပူးပေါင်းရင်းမြစ်များ

1Atha 12:31

Jeroboamu nîwacokire agîtuma kûndû gwa kûgoocagîrwa kûndû kûrîa gûtûgîru, na akîthuura athînjîri-Ngai kuuma kûrî andû arîa onthe mataarî a mûvîrîga wa Lawi.

1Atha 14:15

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

1Atha 15:12

Nîwengatire kuuma vûrûrirî arûme na aka onthe arîa maarî maraa ma ndini na akîruta mîvuanano yonthe îrîa yarûthîtwe nî methe mao.

1Atha 20:23

Benihadadi, mûthamaki nîwerirwe nî ndungata ciake atîrî, “ngai cia Aisiraeli nî ngai cia irîmarî na kîu nîkîo gîatûmire matûvoota. Nwatî ethîrwa tûkaarûîra nao kûndû gûkû kwaraganu, nwanginya tûkaamavoota.

1Atha 3:2

Andû maarutagîra magongoona kûndû kûrîa gûtûgîru, nîûndû vîndî îo hekarû ya Ngai-Mûnene ndîarî ndume.

1Atha 3:3

Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

2Atha 10:26

na makîruta gîtugî Kîammûre kîrîa Kîamrî mûvuanano wa Ashera na magîkîvîvia.

2Atha 16:4

Ahazi nîwarutagîra magongoona na akavîvîria ûbani kûndû kûrîa gûtûgîru, irîmarî, na rungu rwa mîtî îrîa mîruru.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 17:19

Andû a Juda wanao matiathîkîra mawatho ma Ngai-Mûnene Ngai wao; nîmaarûmîrîre mîtugo îrîa yaretirwe nî andû a Isiraeli.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

2Maû 28:4

Ahazi nîwarutire magongoona na akîvîvîria ûbani kûndû kuonthe kwagoocagîrwa ngai cia mîvuanano, irîmarî na rungu rwa mîtî yonthe yarî mîruru.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Isaia 57:5

Mue mûgoocagîra ngai cia maveeni rungu rwa mîvuru yonthe. Mûthînjagîra ciana cienyu irî magongoona mîatûkarî ya mathiga.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Ezek 6:3

ûciîre, mue irîma cia Isiraeli thikîrîriani ciugo cia Ngai-Mûnene! Mwathani Ngai nîwarîrîtie irîma na tûrîma, ivarûrûko na cianda na agaciîra atî: nie nîngaamûretithîria mbaara na nîngaacûkangia kûndû kûrîa mûgoocagîra ngai cia mîvuanano.

Ezek 6:6

Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Mika 5:14

Nîngaaruta mîvuanano ya ngai ya Ashera vûrûrirî wenyu, na njûkangie matûûra menyu.

Gûco 12:2

Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.

Gûco 16:22

Ndûgatume mûvuanano wa gîtugî Kîam îthiga gîa kûgoocaga nîûndû Ngai-Mûnene Ngai wenyu nîathûrîte mîvuanano.