1Atha 14:21 - ÎVUKU RÎA ÛVORO MWARO

²¹ Rehoboamu mûvîcî wa Solomoni aarî na ûkûrû wa mîaka mîrongo îna na ûmwe (41) rîrîa aatuîkire mûthamaki wa Juda, na aathanire îvinda rîa mîaka îkûmi na mûgwanja (17) arî Jerusalemu. Jerusalemu nîrîo îtûûra rînene rîrîa Ngai-Mûnene aathuurîte kuuma vûrûrirî wonthe wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma Aamoni.

1Atha 14:21 ပူးပေါင်းရင်းမြစ်များ

1Atha 11:1

Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

1Atha 11:32

Nwatî Solomoni nîagaatigîrwa mûvîrîga ûmwe nîûndû wa ndungata yakwa Daudi na Jerusalemu, îtûûra rînene rîrîa naathuurire kuuma vûrûrirî wonthe wa Isiraeli.

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

1Atha 11:43

Nîwacokire agîkua na akîthikwa îtûûrarî rîa îthe Daudi; nake mûvîcî Rehoboamu nîwatuîkire mûthamaki vuva wake.

1Atha 12:17

Nwatî nîmaatigire Rehoboamu arî mûthamaki wa andû a Isiraeli, arîa tu maatûûraga matûûrarî ma Juda.

1Atha 14:20

Jeroboamu aathanire îvinda rîa mîaka mîrongo îîrî na îîrî (22). Nîwacokire agîkua na akîthikwa, nake mûvîcî Nadabu nîwatuîkire mûthamaki vuva wake.

1Atha 14:31

Rehoboamu nîwakwire na akîthikwa mbîrîrarî îrîa ciathikagwa athamaki îtûûrarî rîa Daudi. Mûvîcî Abija nîwatuîkire mûthamaki vuva wake.

1Atha 22:42

Jehoshafati aatuîkire mûthamaki arî na ûkûrû wa mîaka mîrongo îthatû na îtano (35), na nîwathanire Juda îvinda rîa mîaka mîrongo îîrî na îtano (25) arî Jerusalemu. Ng'ina eetagwa Azuba, mwarî wa Shilihi.

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

1Atha 8:29

Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.

1Atha 8:44

“Rîrîa ûkaatha andû aku mathiî makarûe na nthû ciao na makûvoye marî wa kûrîa kuonthe makethîrwa marî, merekerete îtûûra rîîrî we ûthuurîte vamwe na hekarû îno îtanîtue nawe,

2Maû 12:1

Rehoboamu arîkia kwîvanda waro na ûthamaki wake ûkîgîa na vinya, ke vamwe na andû onthe a Isiraeli arîa aarî nao nîmaatiganîrie watho wa Ngai-Mûnene.

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

2Maû 13:7

Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Gûco 12:21

Ethîrwa vandû varîa Ngai-Mûnene Ngai wenyu akaathuura va kûgoocagîrwa nî varaca na kûrîa mûrî, nwa mûrage nyamû kuuma ndîthiarî yenyu ya ng'ombe kana ng'ondu irîa Ngai-Mûnene amûveete, na mûrîe nyama ciacio mûrî matûûrarî menyu wa rîrîa mûngîenda.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.

Gûco 23:3

“Gûtirî mûndû wa kuuma vûrûrirî wa Aamoni kana wa Moabu, kana njiarwa ciao cionthe nginya rûciaro rwa îkûmi ûgeetîkîrua gûtonya kîûnganorî Kîam andû a Ngai-Mûnene.