1Atha 14:15 - ÎVUKU RÎA ÛVORO MWARO

¹⁵ Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

1Atha 14:15 ပူးပေါင်းရင်းမြစ်များ

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:11

Nîmaavîvagîria ûbani îgûrû rîa metha cionthe cia magongoona cia ngai cia maveeni, marûmîrîrîtie mîtugo îrîa yarî na andû arîa Ngai-Mûnene eengatire kuuma vûrûrirî ûcio. Nîmaarakaririe Ngai-Mûnene nîûndû wa maûndû monthe macûku marîa meekire,

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Maû 7:20

nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Nthi 2:22

Nwatî andû arîa acûku nîmakaathirua kuuma gûkû nthî, na andû arîa mavangaga maûndû macûku nîmagaakûrwa kuo.

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 28:8

Arathi arîa maarî kuo mbere yaku na mbere yakwa mavinda ma tene, nîmaarathire atî mbaara, yûra na mîrimû nîgaûka kûrî mavûrûri meengî na mothamaki marî vinya.

Alawi 26:43

Nwatî mbere, andû nî makaauma vûrûrirî ûcio, naguo nîûkaavurûka na ûkûngûîre thavatû cia guo, na nwanginya makaaverithua nîûndû wa mevia mao ma kûregana na mawatho na irîra ciakwa.

Amosi 2:9

“Kûnarî ûguo, mue andû akwa, nînathiririe Aamori viû nîûndû wenyu, arîa maaracavîte ta mîtarakwe, na maarî na vinya ta mîtî ya mîvuru, na nînacûkangirie mvûa vamwe na mîri.

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Zefania 2:4

Gûtirî mûndû ûgaatigwa îtûûrarî rîa Gaza. Ashikeloni nîrîgaatigwa rîrî rîtheri, Andû a Ashidodi nîmakaarutwa kuo mûthenya, na andû a Ekironi nîmakengatwa îtûûrarî rîao.

Mathaayo 11:7

Na rîrîa arutwa a Johana maaumagarûkaga, Jesû nîwambîrîrie kwîra kîrîndî ûvoro wîgiî Johana na akiuga atîrî, “Vîndî îrîa mwathiîte werûrî, mwendaga kwona ndûî? Nî karûthanje gakinainua nî rûkûngi?

Mathaayo 15:13

Nake Jesû nîwamacokerie atîrî, “Mûtî wa wonthe ûtavandîtwe nî Vava ûrîa ûrî îgûrû nîûgakûûrwa.

Luka 7:24

Vîndî îrîa anjaama a Johana maathiîre, Jesû nîwambîrîrie kwîra kîrîndî ûvoro wîgiî Johana na akiuga atîrî, “Vîndî îrîa mwathiîre werûrî kûrî Johana-î, mweciragia nîndûî mwathiîte kwona? Mwathiîte kwona îthanje rîkinainua nî rûkûngi?

Ciîko 7:43

Mue mwakuîte îgema rîa ngai îrîa yetagwa Moleku, na mûgakuua mûvuanano wa ngai ya njata îrîa yetagwa Refani; mîvuanano îo nîyo mwarûthîte nîguo mûmîgoocage. Kwoguo, nîngaamûvira îthamîriorî kûraca mûno mbere ya Babuloni!’

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

1Sam 12:25

Nwatî ethîrwa nîmûkûthiî na mbere gwîka maûndû ma wîvia, mue mûkaathirua wa vamwe na mûthamaki wenyu.”