1Atha 14:10 - ÎVUKU RÎA ÛVORO MWARO

¹⁰ Kwoguo nîngaaretithîria andû a nyomba ya Jeroboamu mûthiro na mbûrage arûme a nyomba yaku arîa marî Isiraeli, arîa ngombo na arîa matarî ngombo vûrûrirî wa Isiraeli. Nîngaathiria andû a mûciî wa Jeroboamu, ta ûrîa mûndû avîvagia mai makathira monthe.

1Atha 14:10 ပူးပေါင်းရင်းမြစ်များ

1Atha 13:34

Ûndû ûyû nîwatuîkire wîvia kûrî nyomba ya Jeroboamu na nîwatûmire nyomba îo îcûkangue na îthirue viû.

1Atha 16:11

Rîrîa Zimuri eekarîre gîtî Kîam ûthamaki wa rîo, nîwaûragire andû onthe a nyomba ya Baasha. Arûme onthe a mûciî wa Baasha na arata ake nîmaaûragirwe.

1Atha 16:3

Kwoguo nîngûkûthiria viû wa vamwe na andû a nyomba yaku, wata ûrîa neekire andû a nyomba ya Jeroboamu mûvîcî wa Nebati.

1Atha 21:21

Kwoguo Ngai-Mûnene arakwîra, atî ‘Nîngaakûretere ûndû mûcûku. Nîngaakûthiria viû na nthirie arûme onthe aku arîa ngombo na arîa matarî ngombo vûrûrirî wa Isiraeli.

2Atha 14:26

Ngai-Mûnene nîwonire andû a Isiraeli makîthînîka mûno, nîûndû gûtiarî na mûndû wanarî ûmwe ûngîamatethirie.

2Atha 21:13

Ngaaverithia Jerusalemu ta ûrîa nekire Samaria, na Ahabu mûthamaki wa Isiraeli na njiarwa ciake. Ngaathambia Jerusalemu ta ûrîa mûndû athambagia thaani akamîgiria na akamînamia.

2Atha 9:37

nakîo kimba gîake gîkaanyagarûka ta mai mûgûndarî kûu vûrûrirî wa Jezireeli, na gûtirî mûndû ûkaavota gûkîmenya’ ”

Ayubu 20:7

mûthiiarî akaûra mana ta ûrîa kîoro gîake gîtecagwa. Nao arîa maanamwona maûranagie atîrî, ‘Athiîre kû?’

Thaburi 83:10

andû arîa wathirîrie Endoru, na mîîrî yao yorere nthî.

Isaia 14:19

nwatî we ûtetwe nja kûraca na mbîrîra yaku, wîkariî ta kîvuno kîrî na magigi, kimba gîaku nî gîkinyange, gîkunîkîrîtwe nî ciimba cia andû maûragîtwe na rûviû, na gîgaikua îrimarî rîa mathiga.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 32:18

We nîwonanagia wendo ûtathiraga kûrî andû ngiri na ngiri nyîngî, nwatî nîûverithagia andû nîûndû wa mevia ma methe. We ûrî Ngai ûrî vinya na ûvoti na rîîtwa rîaku nî Ngai-Mûnene Mwene Vinya Wonthe.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Ezek 26:4

Nîikaatharia nthingo cia Turo na ciomomore nyomba irîa ndaca na îgûrû. Nîngaang'ara mûthetu wakuo ûthire gûtigwe rûciara rûtheri.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Malaki 2:3

Taroria, nîngaaverithia ciana cienyu, na nîûndû wa waganu wenyu, nîmûvake mothiû menyu mai ma nyamû irîa mûrutîte irî îtega kûrî nie. Nîngaacoka nîmwîngate ndige kûmwona.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”

1Sam 25:34

Ngai-Mûnene nîangiririe ndigakûgere ngero. Nwatî nîrevîta na Ngai wa Isiraeli ûrîa ûtûûraga mwoyo atî, kethîrwa ndûnaûkanga kûrî nie arûme onthe a Nabali mangîkethîrwa marî akuû rûyû kîraûko!”