1Atha 13:33 - ÎVUKU RÎA ÛVORO MWARO

³³ Vuva wa maûndû mau Jeroboamu, mûthamaki wa Isiraeli ndaatiga gwîka maûndû macûku. Nwatî nîwathiîre mbere kûthuura athînjîri-Ngai kuuma kûrî andû a mîthemba yonthe nîguo matungatage metharî cia magongoona irîa aatumîte. Aamûraga mûthînjîri-Ngai wa wonthe wendaga kwamûrwa.

1Atha 13:33 ပူးပေါင်းရင်းမြစ်များ

1Atha 15:26

Nîwekire maûndû macûku mbere ya Ngai-Mûnene, na akîrûmîrîra mîtugo mîcûku ya îthe, na mevia make magîtûma Aisiraeli mevie.

2Atha 10:29

Nwatî Jehu nîwekire wîvia wata ûrîa wekirwe nî Jeroboamu, mûvîcî wa Nefati, ûrîa watûmire andû a Isiraeli mevie na njîra ya gûtûma magooce mîvuanano ya tûcaû twa thaavu îrîa yarî Betheli na Dani.

2Maû 11:15

Jeroboamu nîwathuurire athînjîri-Ngai ake a gûtungata kûndû kûrîa gûtûgîru kwagoocagîrwa ngai ciake cia mîvuanano ya mbûri na njaû irîa aarûthîte.

2Maû 13:9

Kinthî mûtiengatire athînjîri-Ngai a Ngai-Mûnene, njiarwa cia Aroni na Alawi na mûkîîthuurîra athînjîri-ngai enyu ta andû a mavûrûri marîa mengî? Mûndû wa wonthe ûngîûka kwîyamûra arî na ndegwa îtarî ngûrû kana ndûrûme mûgwanja nîatuîkaga mûthînjîri-Ngai wa indo icio mwîtaga ngai cienyu.

2Maû 17:4

Nwatî nîwagoocaga Ngai wa îthe na akarûmîrîra maathani make, na ndeeka ta ûrîa athamaki a Isiraeli meekaga.

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

Thaburi 78:34

Vîndî îrîa Ngai aûraga andû amwe, acio engî nîmaamûcokagîrîra; nîmeriraga na makamûvoya na kinyi.

Ntha 28:41

Ûgeekîra mûrwanyûkwe Aroni na avîcî ake nguo icio. Ûcoke ûmetîrîrie maguta na ûmamûre nîguo mandungatagîre marî athînjîri-Ngai.

Nthi 27:22

Wana ûgakima kîrimû na ndîrî ta mbembe, ndûngîruta ûrimû ndaarî yakîo.

Jeremia 18:4

Nîgwatuîkire atî kîndû kîrîa aûmba gîacûka, nîwakîûmbûraga agacoka kûmba kîngî nîguo gîkare ûrîa kîngîmûkenia.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Ndari 1:51

Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Atir 17:12

Mika nîwamûtuire mûthînjîri-Ngai wake na agîtûûra mûciî kwa Mika.

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.