1Atha 13:19 - ÎVUKU RÎA ÛVORO MWARO

¹⁹ Kwoguo mûndû ûcio wa Ngai nîmaacokire mûciî marî na mûrathi ûcio mûkûrû na makîrîa na makînyunyanîra nake.

1Atha 13:19 ပူးပေါင်းရင်းမြစ်များ

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

1Atha 13:18

Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

1Atha 13:20

Vîndî wa îo maarîcaga Ngai-Mûnene nîwarîrie mûrathi ûcio mûkûrû,

1Atha 13:9

Ngai-Mûnene ambathîte ndikarîe kana nyue manjî, na ndigacoke mûciî nthiîrîrîte njîrarî îrîa mbûkîrîre.”

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

Gûco 13:1

“Mûrathi kana mûndû ûrîa ûrotaga iroto angîûka kûrî mue na amwîre atî nîmûkûringîrwa Kîamma kana mwonue morirû,

Gûco 13:3

mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 18:20

Nwatî mûrathi wa wonthe ûkeera andû ûndû ûmbîgiî ûrîa ndamwîrîte auge, kana arie na rîîtwa rîa ngai cia mîvuanano, nîagaakua.’