1Atha 12:21 - ÎVUKU RÎA ÛVORO MWARO

²¹ Rîrîa Rehoboamu aakinyire Jerusalemu, nîwaûnganirie vamwe athigari ngiri îgana rîmwe rîa mîrongo înana (180,000) kuuma mîvîrîgarî ya Juda na Benjamini, arîa maarî aro mûno makarûe na andû a Isiraeli, nîguo moce rîngî ûthamaki wa Rehoboamu mûvîcî wa Solomoni.

1Atha 12:21 ပူးပေါင်းရင်းမြစ်များ

1Atha 11:32

Nwatî Solomoni nîagaatigîrwa mûvîrîga ûmwe nîûndû wa ndungata yakwa Daudi na Jerusalemu, îtûûra rînene rîrîa naathuurire kuuma vûrûrirî wonthe wa Isiraeli.

1Atha 14:30

Vîndî îo yonthe Rehoboamu na Jeroboamu maatûûraga marûaga.

1Maû 21:5

Joabu nîwanengere Daudi mwîgana wa andû onthe a Isiraeli. Nao maarî: arûme arîa mangîatuîkire athigari a mbaara milioni îmwe na ngiri îgana rîmwe (1,100,000). Nakuo Juda kwarî na arûme ngiri magana mana ma mîrongo mûgwanja (470,000).

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 14:8

Asa aarî na athigari a mbaara ngiri magana mathatû (300,000) kuuma mûvîrîgarî wa Juda maarî na ngo nene na matumû, na engî ngiri magana maîrî ma mîrongo înana (280,000) kuuma mûvîrîgarî wa Benjamini na maarî na ngo na moota. Onthe maarî athigari maarî na vinya na njamba.