1Atha 12:20 - ÎVUKU RÎA ÛVORO MWARO

²⁰ Rîrîa andû a Isiraeli meegwire atî Jeroboamu aarî mûcoku kuuma Misiri, nîmaamûtûmanîre na makîmwîta varîa maaûnganîte na makîmûtua mûthamaki wa Isiraeli kuonthe. Gûtirî andû engî maarûmîrîre andû a nyomba ya Daudi tiga andû a mûvîrîga wa Juda.

1Atha 12:20 ပူးပေါင်းရင်းမြစ်များ

2Sam 20:2

Kwoguo andû onthe a Isiraeli nîmaatiganîrie Daudi na makîrûmîrîra Sheba. Nwatî andû a Juda nîmaathiîre na mbere kwathîkîra Daudi na makîmûrûmîrîra kuuma Jorodani nginya Jerusalemu.

1Atha 11:13

Ndikaamûcuuna ûthamaki wonthe, nwatî nîngaava mûvîcîguo mûvîrîga ûmwe nîûndû wa gîtîîo Kîam ndungata yakwa Daudi na nîûndû wa gîtîîo Kîam îtûûra rîa Jerusalemu rîrîa nîîthuurîrîte.”

1Atha 11:26

Jeroboamu mûvîcî wa Nebati, Mûefiraimu wa îtûûra rîa Zereda ûrîa warî ndungata ya Solomoni, na ng'ina aarî mûndûmûka wa ndigwa wetagwa Zeruia, wanake nîwareganire na Solomoni.

1Atha 11:32

Nwatî Solomoni nîagaatigîrwa mûvîrîga ûmwe nîûndû wa ndungata yakwa Daudi na Jerusalemu, îtûûra rînene rîrîa naathuurire kuuma vûrûrirî wonthe wa Isiraeli.

1Atha 11:35

Nîngaacuna mûvîcî Solomoni ûthamaki na ngûve we Jeroboamu mîvîrîga îkûmi ya ûthamaki ûcio,

1Atha 11:36

nwatî nîngaatigîra mûvîcî ûcio wa Solomoni mûvîrîga ûmwe nîguo vîndî cionthe ngethagîrwa nîrî na mûndû wa njiarwa cia ndungata yakwa Daudi akîathana arî Jerusalemu, îtûûra rînene rîrîa nthuurîte nîguo ngoocagîrwe kuo.

1Atha 11:37

Nîngûgûtua mûthamaki wa Isiraeli, nawe nîûkaathana vûrûri wonthe wata ûrîa ûkoona kwagîrîrîte.

1Atha 12:17

Nwatî nîmaatigire Rehoboamu arî mûthamaki wa andû a Isiraeli, arîa tu maatûûraga matûûrarî ma Juda.

2Atha 17:21

Vuva wa Ngai-Mûnene kwamûrania andû a Isiraeli na andû a mûvîrîga wa Daudi, andû a Isiraeli nîmaatuire Jeroboamu, mûvîcî wa Nefati mûthamaki wao. Jeroboamu nîwatûmire andû a Isiraeli matiganîrie Ngai-Mûnene na agîtûma meke wîvia mûnene.

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Hosea 8:4

Andû akwa nîmeethuurîre mûthamaki ndamavete rûtha, nîmeethuurîre atongoria arîa nie ndaicî. Nîmeerûthîrîte ngai cia sîlûva na cia thaavu, ûndû ûyû nîguo ûkamûthiria.

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”