1Atha 12:18 - ÎVUKU RÎA ÛVORO MWARO

¹⁸ Mûthamaki Rehoboamu nîwacokire agîtûma Adoniramu ûrîa warî mûnene wa andû arîa maarutithagua wîra na vinya, athiî kûrî andû a Isiraeli, nwatî nîmaamûrivire na mathiga nginya agîkua. Vuva wa ûguo, Rehoboamu nîwatwîre gîkaari gîake Kîam mbaara na îvenya na akîûra akîthiî Jerusalemu.

1Atha 12:18 ပူးပေါင်းရင်းမြစ်များ

2Sam 20:24

Adoniramu nîke warî mûnene wa andû arîa maarutithagua wîra na vinya; nake Jehoshafati mûvîcî wa Ahiludi nîke wamenyagîrîra mandîko;

1Atha 4:6

Ahisharu aarî mûnene wa ndungata cia mûthamaki, nake Adoniramu mûvîcî wa Abida nîke warî mûnene wa andû arîa maarutithagua wîra na vinya.

1Atha 5:14

na agîtua Adoniramu mûnene wao. Nîwamagaanirie ikundi ithatû cia andû ngiri îkûmi (10,000), na wa gîkundi gîekaraga kûu Lebanoni îvinda rîa mweri ûmwe na îvinda rîa mîeri îîrî mûciî kwao.

2Maû 10:18

Mûthamaki Rehoboamu nîwacokire agîtûma Hadoramu kûrî andû a Isiraeli. Nao maamwona nîmaamûragire na mathiga. Hadoramu nîke warûngamagîrîra andû arîa maarutaga wîra na vinya. Mûthamaki Rehoboamu ona ûguo nîwatûîre gîkaarirî gîake Kîam mbarathi na akîûra akîthiî Jerusalemu.

2Maû 24:21

Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

Ntha 17:4

Kwoguo Musa nîwathaithire Ngai-Mûnene akîmwîra atîrî, “Nîmbîka andû aya atîa? Rîu marî vakuvî kûndiva na mathiga.”

Amosi 2:16

Mûthenya ûcio mûndû ûrîa mûmîrîru mûno akaûra arî njaga.” Ûguo nîguo nie Ngai-Mûnene mbugîte.

Ndari 14:10

Nwatî andû onthe a Isiraeli nîmeendire kûûraga Joshua na Kalebu na mathiga. Wa rîmwe Ngai-Mûnene nîwaumîrîre andû onthe a Isiraeli na riiri mûnene ûrîa moonire ûrî îgûrû rîa îgema rîa Ngai-Mûnene.

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.