1Atha 11:9 - ÎVUKU RÎA ÛVORO MWARO

⁹ Nake Ngai-Mûnene nîwarakarire nî Solomoni, nîûndû Solomoni nîwagarûrûkîte agatiganîria Ngai-Mûnene, Ngai wa Isiraeli ûrîa wamumîrîrîte maita maîrî.

1Atha 11:9 ပူးပေါင်းရင်းမြစ်များ

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

2Sam 6:7

Nake Ngai-Mûnene nîwarakarirue nî Uza na akîmûraga nîûndû wa gûturîra îthandûkû rîa kîrîkanîro gîtîîo. Uza aakwîrîre vau vakuvî na îthandûkû rîa kîrîkanîro Kîam Ngai.

1Atha 11:8

Nîwacokire agîtuma kûndû kwîngî gwa kûgoocagîrwa nîguo aka ake onthe a kuuma mavûrûrirî marîa mengî mavîvagîrie ûbani kuo makîrutagîra ngai ciao magongoona.

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

1Atha 9:2

Ngai-Mûnene nîwamumîrîre rîngî, wata ûrîa aamumîrîrîte arî Gibeoni.

1Maû 21:7

Nwatî Ngai nîwarakarirue nî ûndû ûcio wekirwe na nîwaverithirie andû a Isiraeli.

Ntha 4:14

Nake Ngai-Mûnene nîwarakarire nî Musa akîmûria atîrî, “Na kinthî mûrwanyûkwe Aroni ûrîa Mûlawi ndarî vo? Nîmbicî atî nwa amenye kwaria waro. Ke nî aûkîte gûgûtûnga na akwona nî agûkena.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Hosea 4:11

Ndivei ngûrû na njerû nîithengutagia ûmenyo.

Ndari 12:9

Ngai-Mûnene nîwarakarirue nîo, na nîwathiîre akîmatiga.

Gûco 3:26

“Nwatî Ngai-Mûnene aarî mûrakaru nînie nîûndû wenyu, na ndangîanthikîrîrie. Kwoguo Ngai-Mûnene nîwambîrire atîrî, ‘Ûguo nî mwîganu! Ndûkambîre ûndû ûyû rîngî!

Gûco 7:4

nîûndû nwa matûme ciana cienyu itiganîrie Ngai-Mûnene na ciambîrîrie kûgooca ngai ciîngî. Ingîka ûguo, Ngai-Mûnene nîakaarakara nîmue na amûthirie wa rîmwe.

Gûco 9:20

Ngai-Mûnene aarî mûrakaru mûno nî Aroni na nîwevarîrîtie kûmûûraga, kwoguo vîndî wa îo nînavoere Aroni.

Gûco 9:8

Wana tûrî kîrîmarî gîa Sinai, nîmwatûmire Ngai-Mûnene anyitwe nî marakara mangîatûmire amûthirie.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.