1Atha 11:33 - ÎVUKU RÎA ÛVORO MWARO

³³ Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 11:33 ပူးပေါင်းရင်းမြစ်များ

1Atha 11:34

Nwatî ndigaacuuna Solomoni ûthamaki wonthe, na nîngûtûma atûûre arî mûthamaki ûtûûrorî wake wonthe. Ngeeka ûguo nîûndû wa gîtîîo Kîam ndungata yakwa Daudi, ûrîa naathuurire na akîathîkîra mawatho makwa na irîra irîa naamwathire.

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 11:9

Nake Ngai-Mûnene nîwarakarire nî Solomoni, nîûndû Solomoni nîwagarûrûkîte agatiganîria Ngai-Mûnene, Ngai wa Isiraeli ûrîa wamumîrîrîte maita maîrî.

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

1Atha 3:14

Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

2Atha 1:3

Nwatî mûraika wa Ngai-Mûnene nîwerire mûrathi Elija kuuma Tishibe athiî agacemanie nao na amaûrie atîrî, “Nîkwa gûtarî ngai gûkû Isiraeli atî nîguo mûthiî mûkaûrie ûtaaro kûrî Baalizebubu, ngai ya Ekironi?

2Atha 21:22

Nîwatiganîrie Ngai-Mûnene, Ngai wa methe make, na akîrega kûrûmîrîra maathani ma Ngai-Mûnene.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 48:13

Nao andû a Moabu nîmagaaconoka nîûndû wa ngai yao Kemoshi, wata ûrîa andû a Isiraeli maaconokire nîûndû wa Betheli, ngai îrîa mevokete.

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Hosea 4:17

Andû a Efiraimu nîmeovanîtie na mîvuano. Tigana nao!

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Ndari 21:29

Mue andû a Moabu mûrî arume! Mue andû a arîa mûgocaga Kemoshi mûrî acûkangie; ngai yenyu nîyatûmire arûme matuîke mbûrûrû, na aka matuîke mîgwate ya mûthamaki Sihoni wa Amori.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”