1Atha 11:31 - ÎVUKU RÎA ÛVORO MWARO

³¹ Nîwacokire akîra Jeroboamu atîrî, “Îyocere tûcunjî îkûmi, nîûndû Ngai-Mûnene, Ngai wa Isiraeli akwîrîte atî, ‘Nîngûcuna Solomoni ûthamaki, na ngûve mîvîrîga îkûmi ya ûthamaki ûcio.

1Atha 11:31 ပူးပေါင်းရင်းမြစ်များ

2Sam 19:43

Nao andû a Isiraeli nîmaacokerie andû a Juda atîrî, “Tue tûrî na vata maita îkûmi kûrî mûthamaki kûmûkîra wana ethîrwa nî ûmwe wenyu. Nîndûî kîratûmire mûtûnyarare? Mûtikanariganîrwe, atî nîtue twarî a mbere kwarîrîria ûvoro ûcio wîgiî gûcokia mûthamaki!” Nayo mîario ya andû a Juda yarî na ûrûrû mwîngî mûno gûkîra ya andû a Isiraeli

1Atha 12:15

Kwoguo mûthamaki nîwaregire kûthikîrîria andû; nîûndû wendi wa Ngai-Mûnene warî wa kûvingia ûrîa eerîte Jeroboamu, mûvîcî wa Nebati na njîra ya mûrathi Ahija wa Shilo.

1Atha 14:2

Nake Jeroboamu nîwerire mûka atîrî, “Ûkîra wîgarûre nîguo ndûkamenyeke atî wî mûka wa Jeroboamu, na ûthiî Shilo, nîûndû kûu nîkuo mûrathi Ahija arî. Mûrathi Ahija nîke waugire atî nînie ngaatuîka mûthamaki wa Isiraeli.

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

2Atha 17:21

Vuva wa Ngai-Mûnene kwamûrania andû a Isiraeli na andû a mûvîrîga wa Daudi, andû a Isiraeli nîmaatuire Jeroboamu, mûvîcî wa Nefati mûthamaki wao. Jeroboamu nîwatûmire andû a Isiraeli matiganîrie Ngai-Mûnene na agîtûma meke wîvia mûnene.

2Maû 10:15

Kwoguo mûthamaki ndaathikîrîria wendi wa andû. Ngai-Mûnene, Ngai nîke watûmire gwîkîke ûguo nîguo ciugo irîa ciarirue kûrî Jeroboamu mûvîcî wa Nebati kûvîtûkîra kûrî mûrathi Ahija wa kuuma Shilo ivinge.

1Sam 15:27

Rîrîa Samueli aagarûrûkire athiî, Saûlo nîwanyitire nguo ya Samueli na îgîtembûka.

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.