1Atha 11:23 - ÎVUKU RÎA ÛVORO MWARO

²³ Ngai nîwacokire agîtûma Solomoni agîe na nthû. Nthû îo yetagwa Rezoni, mûvîcî wa Eliada. Rezoni aaûrîte kuuma kwî mwathi wake Hadadezeri, ûrîa warî mûthamaki wa Zoba.

1Atha 11:23 ပူးပေါင်းရင်းမြစ်များ

2Sam 10:8

Nao Aamoni nîmaathiîre marî na indo ciao cia mbaara na makîrûngama kîvingorî Kîam Raba. Raba rîarî îtûûra rîao rîrîa rînene. Nao andû a Sîria na andû arîa maaumîte Tobu wa vamwe na arîa maaumîte Maaka nîmaarûngamire kûu maarî werûrî.

2Sam 16:11

Daudi nîwerire Abishai na ndungata ciake cionthe atîrî, “Ethîrwa mûvîcîwa ke mwene nîarenda kûmbûraga, kinthî Mûbenjamini ûyû ndangîmbîka maûndû macûku makîria? Ngai-Mûnene nîke ûmwîrîte arumane, kwoguo tiganani nake arumane.

2Sam 8:3

Daudi nîwacokire akîvoota Hadadezeri, mûvîcî wa Rehobu. Hadadezeri aarî mûthamaki wa Zoba kûrîa kwarî Sîria. Daudi aavootire mûthamaki ûcio rîrîa mûthamaki aathiîte gûkûûra vûrûri wake ûrîa warî vakuvî na rûnjî rwa Farati.

2Sam 8:5

Rîrîa andû a Damesiki maatûmire athigari a mbaara mathiî magatethie mûthamaki Hadadezeri, Daudi nîwaitharîkîre na akîûraga arûme ngiri mîrongo îrî na igîrî (22,000).

2Sam 8:8

Nîwacokire agîoca gîcango nyîngî mûno kuuma matûûrarî ma Beta na Berothai marîa maathagwa nî Hadadezeri.

1Atha 11:14

Ngai-Mûnene nîwatûmire Solomoni agîe na nthû. Nthû îo yetagwa Hadadi na aarî wa mûvîrîga wa mûthamaki wa Edomu.

1Atha 11:22

Nwatî Mûthamaki wa Misiri nîwamûûririe atîrî, “Nîndûî ûturîte kuuma kûrî nie, atî nîguo wende gûcoka vûrûrirî wenyu?” Nake Hadadi nîwacokerie mûthamaki wa Misiri atîrî, “Mbîtîkîria tu nthiî.”

1Atha 15:18

Asa nîwacokire akîruta sîlûva yonthe na thaavu irîa ciatigîtwe hekarûrî na nyombarî ya mûthamaki. Nîwainenganîre kûrî ndungata ciake na agîciîra ivirîre mûthamaki Benihadadi, mûvîcî wa Tabirimoni. Tabirimoni aarî mûvîcî wa Hezioni, mûthamaki wa Sîria, ûrîa watûûraga Damesiki. Nîwerire ndungata icio ciîre Benihadadi atîrî,

1Maû 19:6

Andû a Aamoni nîmaamenyire atî nîmaavîtîrie Daudi. Kwoguo mûthamaki Hanuni na andû ake nîmaatûmanire sîlûva ya kilo ngiri mîrongo îthatû na inya (34,000) cia gûkombora ikaari cia mbarathi na andû a kûthiî na mbarathi kuuma Mesopotamia, Aram-maaka (nîkuo gwîtagwa Sîria) na Zoba.

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Thaburi 60:1

We Ngai, nîûtûtiganîrîtie, na nîûtûvootete; nîûrakarîte nî tue, nwatî rîu tûcokerere.

Isaia 13:17

Ngai-Mûnene arauga atîrî, “Nîngaaringîrîra Amede nîguo matharîkîre Babuloni. Mavûrûri mama matiûragia sîlûva, na matikenagua nî thaavu.

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.