1Atha 11:22 - ÎVUKU RÎA ÛVORO MWARO

²² Nwatî Mûthamaki wa Misiri nîwamûûririe atîrî, “Nîndûî ûturîte kuuma kûrî nie, atî nîguo wende gûcoka vûrûrirî wenyu?” Nake Hadadi nîwacokerie mûthamaki wa Misiri atîrî, “Mbîtîkîria tu nthiî.”

1Atha 11:22 ပူးပေါင်းရင်းမြစ်များ

1Atha 11:21

Rîrîa Hadadi eerîrwe kûu Misiri atî Daudi nîwakuîte na atî Joabu ûrîa warî mûnene wa athigari ake a mbaara nîwakuîte, nîwerire mûthamaki wa Misiri atîrî, “Nakûthaitha ûmbîtîkîrie njoke vûrûrirî wakwa.”

1Atha 11:23

Ngai nîwacokire agîtûma Solomoni agîe na nthû. Nthû îo yetagwa Rezoni, mûvîcî wa Eliada. Rezoni aaûrîte kuuma kwî mwathi wake Hadadezeri, ûrîa warî mûthamaki wa Zoba.

Thaburi 37:8

Ndûkagîe na marakara kana ûnyitwe nî mang'ûrîka, Mûtigatangîke nîûndû nwagûtûme wîke ûndû mûcûku.

Nthi 27:8

Mûndû ûrîa ûtiganagîria mûciî wake, ekariî ta gîconi kîrîa kîûrûraga gîgatiganîria kîomba gîa kîo.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Maariko 14:31

Nake Petero nîwaregire na vinya mûno na akîîra Jesû atîrî, “Nie ndingîgûkaana, wana angîthîrwa nîkwa ngûraganîrua vamwe nawe.” Nao arutwa acio engî onthe nîmaaugire wa guo.

Luka 22:35

Jesû nîwacokire akîûria arutwa ake atîrî, “Vîndî îrîa namûtûmîte mûtarî na kîveeti, mbooro wana kana iratû, kûrî kîndû wana kîmwe mwaturire?” Nao nîmaamûcokerie atîrî, “Gûtirî kîndû twaturire.”