1Atha 11:19 - ÎVUKU RÎA ÛVORO MWARO

¹⁹ Hadadi nîwakenirie mûthamaki wa Misiri mûno. Kwoguo mûthamaki nîwavecanire mwarwang'ina na mûka Tahipenesi, kûrî Hadadi nîguo amûvikie.

1Atha 11:19 ပူးပေါင်းရင်းမြစ်များ

Kîam 39:21

Nwatî Ngai-Mûnene aarî vamwe na Josefu na nîwamwonagia wendo ûtathiraga na agîtûma endwe nî mûrûngamîrîri wa njera.

Kîam 39:4

Kwoguo Potifa nîwakenirue nî Josefu na akîmûtua ndungata yake ke mwene, na mûrûngamîrîri wa indo ciake cionthe.

Kîam 41:45

Mûthamaki nîwatuîrîre Josefu rîîtwa akîmwîta Zafenathi-panea. Nîwacokire akîmûva Asenathi, mwarî wa Potifera, mûthînjîri-Ngai wa Oni (Heliopoli) atuîke mûka.

1Atha 11:18

Nîmaaumire Midiani, na makîthiî Parani, kûrîa maaûnganire na andû engî na makîthiî nao kûrî mûthamaki wa Misiri. Mûthamaki wa Misiri nîwavere Hadadi mûgûnda, nyomba, na irio.

1Atha 11:20

Nake mwarwang'ina na Tahipenesi nîwaciarîre Hadadi kavîcî geetagwa Genubathu. Genubathu nîwarererwe mûciî wa mûthamaki nginya rîrîa aatigire kwonga. Genubathu nîwatûûrire kwa mûthamaki marî vamwe na anake a mûthamaki.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

Ciîko 7:21

Na rîrîa Musa aarutirwe mûciî kwao, mwarî wa mûthamaki nîwamwocire na akîmûrera ta mwana wake.