1Atha 11:1 - ÎVUKU RÎA ÛVORO MWARO

¹ Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

1Atha 11:1 ပူးပေါင်းရင်းမြစ်များ

1Atha 11:8

Nîwacokire agîtuma kûndû kwîngî gwa kûgoocagîrwa nîguo aka ake onthe a kuuma mavûrûrirî marîa mengî mavîvagîrie ûbani kuo makîrutagîra ngai ciao magongoona.

1Atha 14:21

Rehoboamu mûvîcî wa Solomoni aarî na ûkûrû wa mîaka mîrongo îna na ûmwe (41) rîrîa aatuîkire mûthamaki wa Juda, na aathanire îvinda rîa mîaka îkûmi na mûgwanja (17) arî Jerusalemu. Jerusalemu nîrîo îtûûra rînene rîrîa Ngai-Mûnene aathuurîte kuuma vûrûrirî wonthe wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma Aamoni.

1Atha 14:31

Rehoboamu nîwakwire na akîthikwa mbîrîrarî îrîa ciathikagwa athamaki îtûûrarî rîa Daudi. Mûvîcî Abija nîwatuîkire mûthamaki vuva wake.

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

1Atha 3:1

Solomoni nîwagîre ngwatanîro na mûthamaki wa Misiri, na nîwavikirie mwîrîtu wa mûthamaki ûcio. Solomoni nîwavirire mwîrîtu ûcio îtûûrarî rîa Daudi agekarage kuo nginya vîndî îrîa aathiririe gûtuma nyomba yake, hekarû ya Ngai-Mûnene, na rûthingo rûrîa rûthiûrûrûkîrîtie Jerusalemu.

Ezira 10:44

Andû aya onthe nîmaavikîtie aka ageni na nîmaamengatire vamwe na ciana ciao.

Ezira 9:1

Maûndû mau marîkia gwîkwa, anene a andû a Isiraeli nîmaaûkire kûrî nie na makîmbîra atî andû a Isiraeli, athînjîri-Ngai na Alawi matianeyamûrania kuuma kûrî andû arîa mariganîtie nao. Meekaga maûndû macûku wata marîa meekagwa nî Akanaani, Ahiti, Aperizi, Ajebusi, Amoni, Amoabu, Amisiri, na Amori.

Ezira 9:2

Nîûndû Aisiraeli nîmaavikagia erîtu ao na avîcî ao mageka wa guo. Kwoguo andû a Ngai nîmeetukanîtie na andû a vûrûri na magatuîka acûku. Atongoria na anene nîo methîrîtwe magîka maûndû mau mûno.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Nthi 2:16

Ûmenyo ûgaakûvonokia kuuma kûrî mûndûmûka mûmaraa, na kuuma kûrî ciugo ciake cia gûkûgucîrîria,

Nthi 22:14

Ciugo cia mûndûmûka kîmaramari nî ta îrima îrikîru, rîgûcaga mûndûmûrûme ûrîa ûrakarîtie Ngai-Mûnene.

Nthi 23:33

Metho maku makoonaga indo marundurundu, na ûkaaragia maûndû ma waganu.

Nthi 31:3

Ndûkathirie vinya waku na aka, ndûkavecane ûtonga waku kûrî andû acio macûkangagia athamaki.

Nthi 6:24

Kîrîra kîu gîgaakûgitagîra kuuma kûrî aka arîa acûku, na kuuma kûrî mîario mînyoroku ya mûndûmûka wene.

Nthi 7:5

Ûûgî na ûmenyo igaakûgitagîra kuuma kûrî mûndûmûka kîmaramari, na kuuma kûrî mûndûmûka ûrîa ûgucagîrîria andû na ciugo nyoroku.

Alawi 18:18

Mûtikavikie aa mwarwang'ina na aka enyu îvinda rîrîa rîonthe aka enyu marî mwoyo.

Gûco 17:17

Mûthamaki ndagîrîrwe nî kwîthîrwa na aka eengî, nîûndû nwa matûme atiganîria Ngai-Mûnene, na ndagîrîrwe nî gwîtongia mûno na sîlûva na thaavu.