1Atha 10:3 - ÎVUKU RÎA ÛVORO MWARO

³ Nake Solomoni nîwacokerie mûndû mûka ûcio mûthamaki ciûria ciake cionthe. Gûtirî kîûria Solomoni aaremirwe nî kûmûcokeria.

1Atha 10:3 ပူးပေါင်းရင်းမြစ်များ

2Sam 14:17

Nîreîraga atî ûrîa mwathi wakwa ûkambîra nîguo ûgatûma mvorere, nîûndû mûthamaki ekariî ta mûraika wa Ngai na nwa avote gûkûûrana gatagatî ka ûndû mwaro na ûndû mûcûku. Ngai-Mûnene, Ngai waku aroekara nawe!”

2Sam 14:20

Îrekire ûguo nîguo îcenjie maûndû mau. Nwatî we mwathi wakwa wî na ûûgî ta wa mûraika na nîwicî maûndû monthe marîa mekîkaga.”

1Atha 10:1

Rîrîa mûndûmûka ûrîa warî mûthamaki wa Sheba eegwire ngumo ya Solomoni ûvororî wîgiî rîîtwa rîa Ngai-Mûnene, nîwathiîre kûrî Solomoni kûu Jerusalemu nîguo amûgerie na njîra ya kûmûria ciûria ndito.

1Atha 10:2

Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.

1Atha 10:4

Vîndî îrîa mûndûmûka ûcio warî mûthamaki wa Sheba eegwire ûûgî wa Solomoni na akîona nyomba îrîa aatumîte,

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

2Maû 9:2

Solomoni nîwamûcokerie ciûria cionthe irîa aamûririe na gûtirî ûndû wanarî ûmwe Solomoni aaremirwe nî kûmûtarîria.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.