1Atha 10:26 - ÎVUKU RÎA ÛVORO MWARO

²⁶ Solomoni nîwaûnganirie vamwe ikaari cia mbaara na andû arîa maathiîcaga matûîte mbarathi. Aarî na ikaari ngiri îmwe na magana mana (1,400) cia mbaara, na athigari ngiri îkûmi na igîrî (12,000) arîa mathiîcaga matûîte mbarathi. Aamaigire matûûrarî marîa maaigagwa ikaari cia mbaara, nao acio engî akîmaiga Jerusalemu kwa mûthamaki.

1Atha 10:26 ပူးပေါင်းရင်းမြစ်များ

1Atha 4:26

Solomoni aarî na inyomba ngiri mîrongo îna (40,000) cia mbarathi cia gûkururia ikaari na andû ngiri îkûmi na igîrî (12,000) arîa maathiîcaga matûîte mbarathi.

1Atha 5:6

Kwoguo tûma ndungata ciaku ithiî Lebanoni ikandemere mîtarakwe. Ndungata ciakwa ikagwatanîra na ndungata ciaku, na ngaakûrîva mûcara wa ndungata ciaku wa ûrîa ûgaatua. We nîwicî atî gûtirî mûndû gatagatîrî getû wîcî gûtema mîtî ta andû a Sidoni.”

1Atha 9:19

vamwe na matûûra monthe kûrîa Solomoni aaigaga indo ciake, matûûra marîa maaigagwa ikaari ciake cia mbaara, matûûra ma andû ake arîa maathiîcaga matûîte mbarathi, na kîrîa kîonthe Solomoni eendaga gûtuma kûu Jerusalemu, wana kûu Lebanoni na vûrûrirî wonthe ûrîa aathanaga.

2Maû 9:25

Mûthamaki Solomoni aarî na nyomba ngiri inya (4,000) cia mbarathi na ikaari ciacio, na athigari ngiri îkûmi na igîrî (12,000) arîa maathiîcaga matwîte mbarathi. Amwe a athigari acio aamaigire îtûûrarî rîa Jerusalemu kûrîa mûthamaki eekaraga, nao acio engî akîmaiga matûûrarî marîa maaigagwa ikaari cia mbarathi.

Isaia 2:7

Vûrûri wao wîcûrîte sîlûva na thaavu, na mûthithû wao ndûngîthira. Vûrûri wao wîcûrîte mbarathi, na ikaari ciao cia mbaara itingîtarîka.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.