1Atha 10:24 - ÎVUKU RÎA ÛVORO MWARO

²⁴ nao andû kuuma nthî yonthe nîmeendaga kûthiî kûrî Solomoni nîguo mathikîrîrie ûûgî wake ûrîa aaveetwe nî Ngai.

1Atha 10:24 ပူးပေါင်းရင်းမြစ်များ

1Atha 10:1

Rîrîa mûndûmûka ûrîa warî mûthamaki wa Sheba eegwire ngumo ya Solomoni ûvororî wîgiî rîîtwa rîa Ngai-Mûnene, nîwathiîre kûrî Solomoni kûu Jerusalemu nîguo amûgerie na njîra ya kûmûria ciûria ndito.

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

2Maû 1:11

Nake Ngai nîwacokerie Solomoni atîrî, “Nîwathuura ûndû ûrîa wagîrîrîte, nîûndû ndûnetie indo, ûtonga, gîtîîo, mîoyo ya nthû ciaku, kana ûria gûtûûra mîaka mîîngî nwatî, wetia ûûgî na ûmenyo nîguo ûvotage kwatha andû arîa nîragûtwire mûthamaki wao.

2Maû 1:12

Kwoguo nînakûva ûûgî na ûmenyo. Na nîngûkûva indo, ûtonga, na gîtîîo gûkîra mûthamaki wa wonthe wa arîa maarî mbere yaku kana arîa magaaûka vuva waku.”

Nthi 2:6

Nîûndû Ngai-Mûnene nîke ûvecanaga ûûgî; ûmenyo na ûûgî umaga kûrî ke.

Ezek 16:14

Wagîre ngumo mavûrûrirî monthe nîûndû wa ûthaka waku nîûndû nînie naakûgemirie.” Ûguo nîguo Ngai-Mûnene arauga.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 2:23

We Ngai wa methe metû ma tene, nînîragûcokeria ngatho na ngagûkumia, nîûndû nîûmvete vinya na ûûgî; na rîu nîûnguûrîrîtie maûndû marîa twakwîrire na ûgatwonia ûrîa tûkwîra mûthamaki.”

Danieli 5:11

Gûkû vûrûrirî ûyû wathanaga kûrî na mûndû ûrî na Roho wa ngai irîa ntheru. Kuuma vîndî îrîa aguo aarî mûthamaki, mûndûmûrûme ûyû nîwonanirie wara, ûtaûku na ûûgî mwîngî ta wa ngai. Aguo, mûthamaki Nebukadinezarû nîwamûtwire mûtongoria wa aragûri, arogi, aringi ciama na andû maarî na ûûgî wa njata.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.