1Atha 10:12 - ÎVUKU RÎA ÛVORO MWARO

¹² Mûthamaki Solomoni nîwatûmîre mîtî îo ya mîthandari îrî itugî cia hekarû na cia nyomba ya mûthamaki. Nîwacokire agîtûmîra mîtî îo kûrûtha inanda na ngita cia andû arîa maainaga. Gûtirî mîtî ya mîthandari yacokire kwoneka rîngî nginya ûmûnthî.

1Atha 10:12 ပူးပေါင်းရင်းမြစ်များ

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

1Atha 10:11

Wana gîkundi Kîam meri cia Hiramu irîa ciakuuîte thaavu kuuma Ofiri, wanacio nîciavirîre mûthamaki Solomoni mîtî ya mîthandari mîîngî na mathiga ma goro.

1Atha 10:13

Mûthamaki Solomoni nîwavere mûndûmûka ûcio warî mûthamaki wa Sheba indo cionthe irîa aamûvoete, îgûrû rîa irîa aamûveete kuumana na ûtaana wake ta mûthamaki. Nake mûndûmûka ûcio vamwe na ndungata ciake nîmaacokire vûrûrirî wao.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

2Maû 9:11

Mûthamaki Solomoni nîwatûmîre mîtî îo ya mîthengera gûtuma ngathî cia hekarû na nyomba ya mûthamaki, na akîrûtha ngita na mîtûrirû ya aini a nyîmbo. Gûtionekete indo ta icio mbererî kûu vûrûrirî wa Juda.