11 Wana gîkundi Kîam meri cia Hiramu irîa ciakuuîte thaavu kuuma Ofiri, wanacio nîciavirîre mûthamaki Solomoni mîtî ya mîthandari mîîngî na mathiga ma goro.
Mûthamaki Solomoni nîwatûmîre mîtî îo ya mîthandari îrî itugî cia hekarû na cia nyomba ya mûthamaki. Nîwacokire agîtûmîra mîtî îo kûrûtha inanda na ngita cia andû arîa maainaga. Gûtirî mîtî ya mîthandari yacokire kwoneka rîngî nginya ûmûnthî.
Kwoguo ndûmîra mûndû wî na wara wa kûrûtha indo cia thaavu, sîlûva, gîcango, cuuma na ûngîtuma nguo na ndigi cia rangi wa njambarawe, vururu, na rangi ndune. Mûndû ûcio nî akaarutithanagia wîra na andû arîa marî na wara a Juda na Jerusalemu arîa vava Daudi aathuurire.
Ndûmîra mîtî ya mîtarakwe, mîthithinda na mîthengera kuuma Lebanoni. Nîmbicî atî andû ndungata ciaku irî na wara wa gûtema mîtî kûu Lebanoni na nî magaatethania na ndungata ciakwa
Mûthamaki Huramu nîwatûmîre Solomoni meri itongoretue nî anene ake na ndungata ciake irîa ciaicî kûthiîrîra îriarî mûno. Nao, marî vamwe na andû a Solomoni nîmaathiîre vûrûrirî wa Ofiri na makîretere Solomoni thaavu ya ûrito wa makîria ma kilo ngiri îkûmi na ithano (15,000).