Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Atha 10:10 - ÎVUKU RÎA ÛVORO MWARO

10 Mûndûmûka ûcio mûthamaki wa Sheba nîwacokire akîva mûthamaki Solomoni iveo irîa aamûvirîrîte: Nîwamûvere makîria ya kilo ngiri inya (4,000) cia thaavu vamwe na mînyamû mîîngî mînungi waro, na mathiga ma goro. Mînyamû îo mînungi waro yarî mîîngî gûkîra îrîa Solomoni aarî anavewa mbererî.

အခန်းကိုကြည့်ပါ။ ကော်ပီ




1Atha 10:10
12 ပူးပေါင်းရင်းမြစ်များ  

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.


Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.


Hiramu nîwatûmanîrîte mûthamaki Solomoni makîria ya kilo ngiri inya (4,000) cia thaavu.


kuuma hekarûrî yaku Jerusalemu, kûrîa athamaki makûretagîre iveo.


Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.


Mûthamaki, ûrotûûratûûra! Arovewa thaavu kuuma Sheba; arovoyagîrwa nî andû vîndî cionthe; Ngai aromûrathimaga vîndî cionthe!


Ngai-Mûnene nîwerire Musa atîrî, “Oca ithimo ciîganene cia mînyamû mînungi waro cia sitakiti, onîka na galibanumu na maguta manungi waro.


Kûrî thaavu na mathiga ma goro meengî, nwatî ciugo cia ûûgî irî goro makîria.


Nînaagîre na sîlûva na thaavu kuuma mîthithûrî ya athamaki a mavûrûri marîa naathaga. Nînaagîre na aini a nyîmbo a aka na arûme na aka eengî a kwigwa arîa mûndûmûrûme angîenda.


Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.


rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ