1Atha 1:6 - ÎVUKU RÎA ÛVORO MWARO

⁶ Îthe Daudi ndaarî aananegenia mûvîcî nîûndû wanarî ûrîkû, na nîwendaga mûno gûtuîka mûthamaki. Adonija nama aarî mwanake mûthaka mûno na nîke warûmîrîrîte Abusalomu.

1Atha 1:6 ပူးပေါင်းရင်းမြစ်များ

2Sam 14:25

Vûrûri wonthe wa Isiraeli gûtiarî mûndû warî na ngumo nîûndû wa ûthaka wake ta Abusalomu. Kuuma gîtende nginya rûcuîrî rwa kîongo, ndaarî ûcuke.

1Atha 2:22

Mûthamaki Solomoni nîwacokerie ng'ina atîrî, “Ûrambûria nenganîre Abishagi, Mûshunemu kûrî Adonija nîkî? Ûguo nîta kûmbûria nîmûve ûthamaki wanaguo. Menya atî Adonija nî mûrwaiya ûrîa mûkûrû na mûthînjîri-Ngai Abiatharu, marî na Joabu mûvîcî wa Zeruia nîmamûnyitîte mbaru.”

1Maû 3:2

Wa kathatû aarî Abusalomu na ng'ina eetagwa Maaka mwarî wa Talimai mûthamaki wa Geshuri. Wa kana aarî Adonija na ng'ina etagwa Hagithi.

Nthi 22:15

Ciana irî mîtugo ya ûrimû, nwatî kûmariva na kîthanju nîkûthiragia mîtugo ya ûrimû kûrî ciana.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

1Sam 10:23

Kwoguo nîmaavinyûrire na makîgîra Saûlo; na rîrîa Saûlo aarûngamire gatagatîrî ka andû, akîoneka arî mûraca gûkîra andû acio engî onthe kuuma cianderî ciake gûcoka mwena wa îgûrû.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.

1Sam 9:2

Kishu aarî na mûvîcî wake wetagwa Saûlo. Saûlo aarî mwanake mûthaka mûno. Gûtiarî na mûndû mûrûme wîngî gatagatîrî ka andû a Isiraeli warî mûthaka gûkîra Saûlo. Kuuma cianderî ciake kûthiî mwena wa îgûrû, ke aarî mûraca gûkîra mûndû wîngî wa wonthe kûu Isiraeli.