1Atha 1:53 - ÎVUKU RÎA ÛVORO MWARO

⁵³ Kwoguo Solomoni nîwatûmanîre Adonija aume metharî ya kîgongoona. Adonija nîwathiîre kûrî mûthamaki na akîînamîrîria ûthiû mbere ya mûthamaki. Nake mûthamaki Solomoni nîwamwîrire atîrî, “Înûka gwaku mûciî.”

1Atha 1:53 ပူးပေါင်းရင်းမြစ်များ

2Sam 1:2

Naguo mûthenya wa kathatû mwanake ûmwe nîwaûkire aumîte kûrîa Saûlo maambîte magema. Eekîrîte nguo ino ndembûkangu na ageîtîrîria mûthetu kîongorî gîake. Rîrîa mwanake ûcio aakinyire kûrî Daudi, nîwenamîrîrie ûthiû wake nthî na gîtîîo mbere yake.

2Sam 14:24

Nake mûthamaki nîwaugire atîrî, “Tiga Abusalomu ekare nyombarî yake arî wenga. Ndikwenda kûmwona.” Kwoguo Abusalomu nîwatûûrire nyombarî yake arî wenga na ndaakinyaga vakuvî na mûthamaki.

2Sam 14:28

Abusalomu nîwatûûrire kûu Jerusalemu îtîîna rîa mîaka îîrî atakwona mûthamaki.

2Sam 14:33

Joabu nîwathiîre kûrî mûthamaki Daudi na akîmwîra ûrîa Abusalomu aaugîte. Mûthamaki nîwacokire agîtûmanîra Abusalomu. Rîrîa Abusalomu aakinyire kûrî mûthamaki, nîwenamîrîre arî mbere yake na gîtîîo, na mûthamaki akîmûmumunya.

1Atha 1:16

Bathisheba nîwenamîrîre mbere ya mûthamaki na gîtîîo nake mûthamaki nîwamûûririe atîrî, “Ûrenda ndûî?”

1Atha 1:31

Nake Bathisheba nîwenamîrîrie ûthiû wake na gîtîîo mbere ya mûthamaki na akiuga atîrî, “Mwathi wakwa mûthamaki Daudi, ûrotûûra tene na tene!”

1Atha 1:52

Nake Solomoni nîwaugire atîrî, “Ethîrwa nîakwonania arî mûndû mwathîki, gûtirî rûcuîrî wanarî rûmwe rwa kîongo gîake rûkaavutua. Nwatî ethîrwa tî mwathîki nîagaakua.”

1Atha 2:1

Rîrîa Daudi aarî vakuvî gûkua, nîwavere mûvîcî Solomoni mataaro ma mûthiia akîmwîra atîrî,

1Atha 2:36

Mûthamaki nîwacokire agîtûmanîra Shimei na akîmwîra atîrî, “Îîtumîre nyomba gûkû Jerusalemu na ûtûûre kuo, na ndûkaume kuo ûthiîte kûndû kwîngî.

Nthi 24:21

Mwana wakwa îtigîre Ngai-Mûnene na ûtîîe mûthamaki, ndûkanyitanîre na arîa maregaga kwathîkîra Ngai-Mûnene kana mûthamaki.