1Atha 1:52 - ÎVUKU RÎA ÛVORO MWARO

⁵² Nake Solomoni nîwaugire atîrî, “Ethîrwa nîakwonania arî mûndû mwathîki, gûtirî rûcuîrî wanarî rûmwe rwa kîongo gîake rûkaavutua. Nwatî ethîrwa tî mwathîki nîagaakua.”

1Atha 1:52 ပူးပေါင်းရင်းမြစ်များ

2Sam 14:11

Nake mûndûmûka ûcio nîwaugire atîrî, “Mwathi wakwa nakûthaitha wîvîte na Ngai-Mûnene, Ngai waku, atî mûndû wa mûciî wetû ûcio ûrenda kûrîvîrîria gîkuû Kîam mûvîcîwa na njîra ya kûûraga mûvîcîwa ûcio wîngî ndagwîka guo.” Nake Daudi nîwacokirie atîrî, “Nevîta na Ngai-Mûnene ûrîa ûtûûraga mwoyo, atî mûvîcîguo tîona ûûru wanarî vanini.”

1Atha 1:51

Solomoni nîwerirwe atî Adonija nîwetigagîra nîûndû wake na atî nîwanyitîrîrîte mîthiia ya metha ya kîgongoona. Kwoguo Adonija nîwaugire atîrî, “Tiga mûthamaki Solomoni ambe evîte auge, atî tîkwa akambûraga.”

1Atha 1:53

Kwoguo Solomoni nîwatûmanîre Adonija aume metharî ya kîgongoona. Adonija nîwathiîre kûrî mûthamaki na akîînamîrîria ûthiû mbere ya mûthamaki. Nake mûthamaki Solomoni nîwamwîrire atîrî, “Înûka gwaku mûciî.”

Ayubu 15:22

Ndetîkagia atî nîakaauma ndumarî, na etererete mûndû ûrîa ûkamûraga.

Nthi 13:6

Ûthingu nîûgitagîra mûndû ûrîa ûrî mîthiîre mîagîrîru, nwatî mevia nîmagwîthagia andû arîa aganu.

Nthi 21:12

Ngai nîonaga ûrîa mîciî ya andû aganu îkariî, na nîakaamathiria.

Mathaayo 10:30

Wana nginya njuîrî cionthe cia ciongo cienyu nî ndare.

Luka 21:18

Nwatî gûtirî rûcuîrî wana rûmwe rwa ciongo cienyu rûkaaûra.

Ciîko 27:34

Rîu mwenda tu îtîkîrani kûrîa irio. Mwona mwarîa, mîîrî yenyu nîkûgîa na vinya. Gûtirî mûndû wana ûmwe wa cienyu ûkaûrwa nî rûcuîrî wana rûmwe rwa kîongo gîake.”

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.