1Atha 1:5 - ÎVUKU RÎA ÛVORO MWARO

⁵ Adonija mûvîcî wa Daudi ûrîa maagîte na mûka Hagithi nîwambîrîrie gwîtîîa akiugaga atî nîke ûgaatuîka mûthamaki. Kwoguo nîwavarîrîrie ikaari cia mbarathi, athigari arîa mathiîcaga mekarîrîte mbarathi na arûme mîrongo îtano mathiî mbere yake makinaga.

1Atha 1:5 ပူးပေါင်းရင်းမြစ်များ

2Sam 15:1

Vuva wa ûguo Abusalomu nîwecarîrie gîkaari Kîam mbarathi, na andû mîrongo îtano a kûthiî marî mbere yake mavinyûrîte.

2Sam 3:4

wa kana eetagwa Adonija, mûvîcî wa Hagithi; wa gatano eetagwa Shefatia na ng'ina aarî Abitali;

1Atha 1:11

Nathani nîwacokire akîthiî kûrî Bathisheba, ng'ina wa Solomoni na akîmwîra atîrî, “Nîkwa ûteguîte atî Adonija, mûvîcî wa Hagithi nîatuîkîte mûthamaki na mwathi wetû Daudi ndaicî ûguo?

1Atha 1:4

Mwîrîtu ûcio aarî mûthaka mûno na nîwekaranirie na mûthamaki akîmûmenyagîrîra, nwatî mûthamaki ndaamenyana nake kîîmwîrî.

1Atha 2:13

Adonija, ûrîa ng'ina eetagwa Hagithi nîwacokire akîthiî kûrî Bathisheba, ng'ina wa Solomoni. Nake Bathisheba nîwamûûririe atîrî, “Waûka na thayû?” Nake Adonija nîwacokirie atîrî, “Nîrî na thayû.”

1Atha 2:15

Adonija nîwacokirie atîrî, “Nîwicî atî nînie nîngîatuîkire mûthamaki na atî andû onthe a Isiraeli nîguo meeriragîria. Nwatî nîgwekarire ûndû wîngî na mûrwaiya agîtuîka mûthamaki nîûndû nîguo Ngai-Mûnene eendete.

1Atha 2:24

Nevîta na Ngai-Mûnene ûrîa ûtûûraga mwoyo, atî Adonija nîakûragwa ûmûnthî! Ngai-Mûnene nîke ûmvete vinya na amva gîtî Kîam ûthamaki Kîam vava Daudi, na nwake ûvete njiarwa ciakwa ûthamaki wata ûrîa eeranîre.”

1Maû 28:5

Ngai-Mûnene nîwamvere anake eengî na gatagatîrî kao onthe nîwathuurire Solomoni ekarîre gîtî Kîam ûthamaki wa Ngai-Mûnene nîguo athamakîre Isiraeli.

1Maû 29:1

Mûthamaki Daudi nîwacokire akîra andû onthe arîa maagomanîte atîrî, “Mûvîcîwa Solomoni ûrîa Ngai athuurîte, nî mûndû mwîthî na ndarî na kîrîra kîîngî na wîra nî mûnene nîûndû nyomba îno tî ya mûndû, nwatî nî hekarû ya Ngai-Mûnene, Ngai.

1Maû 3:2

Wa kathatû aarî Abusalomu na ng'ina eetagwa Maaka mwarî wa Talimai mûthamaki wa Geshuri. Wa kana aarî Adonija na ng'ina etagwa Hagithi.

Ntha 9:17

Nawe nwakwa ûretûgîria na ûkarega andû akwa mathiî.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Isaia 2:7

Vûrûri wao wîcûrîte sîlûva na thaavu, na mûthithû wao ndûngîthira. Vûrûri wao wîcûrîte mbarathi, na ikaari ciao cia mbaara itingîtarîka.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 18:14

Nie nîramwîra na ma atî, mwîtia ûcio wa mbeca cia gooti eenûkire gwake mûciî arî mwagîrîru methorî ma Ngai gûkîra Mûfarisai. Nîûndû mûndû wa wonthe wînenevagia nîakaanyivua nake ûrîa wonthe wînyivagia nîakaanenevua.”

Atir 9:2

“Namûthaitha mwarie mûkîgucagwa nî andû onthe a Shekemu, mûmaûrie atîrî, ‘Nî ûndû ûrîkû mûrona wagîrîrîte? Mûrenda kwathagwa nî avîcî onthe mîrongo mûgwanja a Gideoni, kana mûrenda kwathagwa nî mûndû ûmwe?’ Makîria ya ûguo, ririkanani, atî mue nanie tûrî a nthakame îmwe.”