1Atha 1:38 - ÎVUKU RÎA ÛVORO MWARO

³⁸ Kwoguo Zadoku, Nathani, Benaia na ndungata cia mûthamaki nîmekarîrie Solomoni îgûrû rîa nyûmbû ya mûthamaki Daudi na makîmûvira Gihoni.

1Atha 1:38 ပူးပေါင်းရင်းမြစ်များ

2Sam 13:29

Kwoguo ndungata cia Abusalomu nîciekire wata ûrîa Abusalomu aaciathîte na nîciaûragire Aamoni. Nao anake acio engî onthe a mûthamaki Daudi nîmaatûîre mvunda ciao na makîûra.

2Sam 15:18

Ndungata ciake cionthe nîciarûngamire vakuvî nake; nao athigari arîa maamûrangagîra vamwe na athigari magana matandatû arîa maaûkanîtie nake kuuma Gathu nîmaavîtûkîrîre mbere yake.

2Sam 20:7

Andû a Joabu na athigari arîa maarangagîra mûthamaki vamwe na andû onthe arîa maarî njamba nîmaaumire Jerusalemu marî vamwe na Abishai na makîrûmîrîra Sheba na îvenya.

2Sam 8:18

Benaia mûvîcî wa Jehoiada nîke warî mûnene wa athigari arîa maarangagîra Daudi, nao avîcî a Daudi nîo maarî athînjîri-Ngai.

1Atha 1:26

Nwatî ndaambîta nie ndungata yaku, wana kana eta Zadoku, mûthînjîri-Ngai, kana Benaia, kana Solomoni.

1Atha 1:33

Mûthamaki nîwamerire atîrî, “Thiîni na ndungata ciakwa, na mwîkarîrie Solomoni îgûrû rîa nyûmbû yakwa nie mwene, mûcoke mûmumagarie anyûrûrûke nginya Gihoni.

1Atha 1:8

Nwatî Zadoku mûthînjîri-Ngai, Benaia mûvîcî wa Jehoiada, Nathani mûrathi, Shimei, Rei na arûme arîa maagitagîra Daudi matiarûmîrîra Adonija.

1Atha 2:15

Adonija nîwacokirie atîrî, “Nîwicî atî nînie nîngîatuîkire mûthamaki na atî andû onthe a Isiraeli nîguo meeriragîria. Nwatî nîgwekarire ûndû wîngî na mûrwaiya agîtuîka mûthamaki nîûndû nîguo Ngai-Mûnene eendete.

1Atha 2:35

Mûthamaki nîwatuire Benaia, mûvîcî wa Jehoiada mûnene wa athigari a mbaara vandûrî va Joabu, agîcoka agîtua Zadoku mûthînjîri-Ngai vandûrî va Abiatharu.

1Maû 18:17

Benaia mûvîcî wa Jehoiada aarî mûnene wa Kerethi na Pelethi athigari arîa maarangagîra mûthamaki. Avîcî a Daudi maarî anene ûthamakirî wake.

Zefania 2:5

Mue Afilisiti, kaî mûrî na thîna-î, mue mûtûûraga Kirete. Ngai-Mûnene nîamûtuîrîrîte ciira mue Akanaani na Afilisiti. Nîakaamûcûkangia, na gûtirî wanarî ûmwe wa cienyu ûgatigwa.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

1Sam 30:14

Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”