1Atha 1:29 - ÎVUKU RÎA ÛVORO MWARO

²⁹ Mûthamaki nîwevîtire akiuga atîrî, “Nevîta na Ngai-Mûnene ûrîa ûtûûraga mwoyo, ûrîa ûngûûrîte kuuma mathînarî makwa monthe;

1Atha 1:29 ပူးပေါင်းရင်းမြစ်များ

Kîam 48:16

Mûraika ûrîa wamvonokirie kuuma mîtinorî yonthe arotûrathima! Rîîtwa rîakwa na marîîtwa ma methe makwa Iburahimu na Isaka marotûûrua na njîra ya twana tûtû! Twana tûtû tûrogîa na ciana nyîngî na njiarwa nyîngî!”

2Sam 12:5

Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

2Sam 4:9

Nake Daudi nîwamacokerie atîrî, “Nie nevîta na Ngai-Mûnene ûrîa ûtûûraga mwoyo, ûrîa ûmvonoketie kuuma mogwatirî monthe.

1Atha 1:28

Mûthamaki Daudi nîwacokire akiuga atîrî, “Mbîtîrani Bathisheba.” Nake Bathisheba nîwatoonyire na akîrûngama mbere ya mûthamaki.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:10

Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.

1Atha 2:24

Nevîta na Ngai-Mûnene ûrîa ûtûûraga mwoyo, atî Adonija nîakûragwa ûmûnthî! Ngai-Mûnene nîke ûmvete vinya na amva gîtî Kîam ûthamaki Kîam vava Daudi, na nwake ûvete njiarwa ciakwa ûthamaki wata ûrîa eeranîre.”

2Atha 4:30

Ng'ina wa kaana kau nîwacokire akîra Elisha atîrî, “Nevîta na Ngai-Mûnene ûrîa ûtûûraga mwoyo, na wata ûrîa we mwene ûgûtûûra, atî tîngûtiga!” Kwoguo andû acio wa oîrî nîmaathiîcanirie.

2Atha 5:16

Nwatî Elisha nîwaugire atîrî, “Nevîta na Ngai-Mûnene ûrîa ûtûûraga mwoyo, ûrîa ndungatagîra, atî tînyamûkîra kîveo wanarî kîmwe.” Naamani nîwaringîrîrie Elisha amûkîre kîveo, nwatî Elisha nîwaregire.

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

Thaburi 136:24

na agîtûvonokia kuuma kûrî nthû cietû; nîûndû wendo wake ûtathiraga ûtûûraga tene na tene.

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Thaburi 72:14

Nîamavonokagia kuuma kûrî arîa mamavinyagîrîria na arîa aganu, nîûndû ûtûûro wao ûrî vata mbere yake.

Atir 8:19

Gideoni nîwaugire atîrî, “Maarî aa mûrwaiya, na twarî a ng'ina ûmwe nao. Nînîvîta na Ngai-Mûnene ûrîa ûtûûraga mwoyo atî kethîrwa mûtiamaûraga, ndingîmûûraga.”

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 19:6

Saûlo nîwetîkirie ûrîa Jonathani aamwîrire na akîîvîta na rîîtwa rîa Ngai-Mûnene atî, ndakaaûraga Daudi.

1Sam 20:21

Nîngaacoka mbîîre ndungata yakwa îthiî îgacarie mîguî îo. Na nîngîkera ndungata îo atîrî, ‘Taroria mîguî îrî mwena ûcio ûrî, mîoce,’ vîndî îo nîûkaamenya atî kûrî na thayû na nwa umîre. Nînevîta na Ngai-Mûnene ûrîa ûtûûraga mwoyo atî gûtikethîrwa kûrî na ûgwati.