1Ath 5:6 - ÎVUKU RÎA ÛVORO MWARO

⁶ Kwoguo tûtiagîrîrwe nî kwîthîrwa tûmamîte ta andû arîa engî, twagîrîrwe twîthagîrwe twîîguîte na tûterigîtwe.

1Ath 5:6 ပူးပေါင်းရင်းမြစ်များ

Nthi 19:15

Ûgûûta ûtûmaga mûndû amame; nwatî kûgangara gûtûmaga mûndû anyitwe nî yûra.

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”

Mathaayo 13:25

Na ûtukû ûmwe rîrîa andû onthe maarî toro, nthû ya mûndû ûcio nîyathiîre îkîvanda ria nganorî, îkînethiîra.

Mathaayo 24:42

“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka.

Mathaayo 25:13

Nake Jesû akîrîkîrîria nîwamerire atîrî, “Îkaragani mwîmenyererete nîûndû mûtiîcî mûthenya kana îthaa.

Mathaayo 25:5

Nake mûvikania nîwacererwe nî gûkinya, na kwoguo erîtu acio nîmaambîrîrie kûgocerera na makîmama.

Mathaayo 26:38

na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”

Maariko 13:37

Na ûguo nîramwîra, nwaguo nîrera andû onthe atî: Îîmenyagîrîreni!”

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 12:39

Nwatî mue mwagîrîrwe nî kûmenya atî kethîrwa mwene mûciî nîwecî vîndî îrîa mwîi agaaûka ndangîarekererie mwîi ûcio avunje nyomba yake.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Luka 22:46

Nake nîwamaûririe atîrî, “Nîndûî gîtûmîte mûmame? Ûkîrani mûvoe nîguo mûtikagwe mageriorî.”

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

Akol 4:2

Kîragîrîriani kûvoya mwîîguîte na mûgîcokagîria Ngai ngatho.

1Ath 4:13

Ariû na aarî a îthe wetû, nîtûkwenda mûmenye ûma wîgiî andû arîa makuîte, nîguo mûtikagîe na kîeva ta andû arîa matarî na kîîrîgîrîro.

1Ath 5:10

Jesû aakwire nîûndû wetû nîguo tûtûûrage vamwe nake, wana ethîrwa tûrî mwoyo kana tûrî akuû.

1Ath 5:8

Nwatî tûrî andû a mûthenya. Kwoguo nîtwagîrîrwe nîgwîkara twîîguîte. Twagîrîrwe nîgwîkîra wîtîkio na wendani nîguo ituîke ta ngo ya cuuma ya kûgitîra kîthûri, na tûgîe na mwîrîgîrîro wa kûvonoka ûrî ta ngovia ya cuuma twîkîrîte ya kûgitîra kîongo.

1Tim 2:15

Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.

1Tim 2:9

Nîngîenda aka wanao mekagîre nguo irîa ciagîrîrîte na ikwonania gîtîîo. Matikegemie na njîra ya kûvînda njuîrî, matikegemie na thaavu, ciûma cia goro kana nguo cia goro.

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

Tito 2:12

Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

Tito 2:6

Na njîra ta îno, îra anake wanao menyitagie maûndûrî.

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 3:2

Kwoguo ûkîrani na mwîkîre maûndû marîa matigarîte vinya mbere ya makua viû. Nie nîmonete atî ciîko cienyu tînginyanîru methorî ma Ngai wakwa.