1Ath 5:21 - ÎVUKU RÎA ÛVORO MWARO

²¹ Tuîragiani maûndû monthe; menyagîrîrani maûndû marîa maro,

1Ath 5:21 ပူးပေါင်းရင်းမြစ်များ

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Nthi 4:13

Rûmagîrîra kîrîra, na ndûgatigane nakîo; kîvingagie na kinyi, nîûndû nîkîo ûtûûro waku.

Rwîmbo rwa Nyîmbo 3:4

Narîkia kûmatiga wa rîo, nînoonire mwendwa wakwa. Nînaamûkumbatîrie na ndingîamûrekererie, nginya rîrîa namûvirire nyombarî kwa nyanya, kanyombarî karîa naaciarîrwe.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Luka 12:57

“Nîndûî kîgiragia mûtue ciira ya ûndû ûrîa mwagîrîrwe nî gwîka?

Johana 15:4

Îkaragani ndaarî yakwa, nanie mbîkare ndaarî yenyu. Rûvûa rûgekara rûrî ruonga rûtingîgîa na maciaro; rûngîvota kûgîa na maciaro tu angîthîrwa nwa rwîkare mûthaviburî. Ûguo nwaguo wa namue mûtangîvota kûgîa na maciaro angîthîrwa tî mwîkara mûrî ndaarî yakwa.

Johana 8:31

Kwoguo Jesû nîwerire Ayahudi atîrî, “Mwona mwathîkîra ciugo ciakwa, nîmûgûtuîka arutwa akwa.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

1Akor 2:11

Nû ûngîvota kûmenya meciria marîa mûndû wîngî arî namo? Roho ûrîa ûrî ndaarî ya mûndû nîke ûmenyaga meciria ma mûndû ûcio. Na njîra wata îo gûtirî mûndû wanamenya meciria ma Ngai tiga Roho wa Ngai.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Aefeso 5:10

Geragiani kûmenya maûndû marîa makenagia Mwathani.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

Afil 3:16

Kûnekariî ûguo, tigani tûthiî na mîthiîre îringanîte na mûtûûrîre ûrîa tûrî naguo.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 5:15

Geragiani kwona atî gûtirî mûndû wana ûmwe gatagatîrî kenyu ûkarîvagia naaî na naaî, nwatî vîndî cionthe geragiani gwîka ûndû ûrîa mwaro kûrî andû onthe.

1Ath 5:22

na mûragîre maûndû monthe macûku.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

2Tim 1:15

Nîwîcî atî andû onthe vûrûrirî wa Asia nîmandiganîrîtie, amwe ao nî Fugelo na Herimogene.

2Tim 3:6

Nîûndû andû amwe gatagatîrî kao nîmatonyaga mîciî yene na makenyitîra aka arîa methagîrwa matarî na vinya na arîa maritûvîrîtwe nî mevia meengî na matongoragua nî merirîria macûku.

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Kûguû 2:2

Nie nîmbicî ciîko cienyu, nîmenyete ûrîa mûrutîte wîra na vinya na mûkaûmîrîria mûkirîrîtie. Nie nîmbicî atî mue nîmûreganaga na andû arîa acûku. Mue nîmûtuîrîtie arîa maugaga atî o nî atûmwa na tî o, na nîmwonete ûguo maugaga nî kûveenania maveenanagia.

Kûguû 2:25

Nwatî nwa nginya mwîkarage mûrî evokeku nginya rîrîa ngaaûka.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.